ປະທານາທິບໍດີ ທຣຳ ປະກາດພາວະໄພພິບັດໃນລັດ California
August 24, 2020 - 12:47 PM
ຂ່າວຈາກ Zingnews ໃຫ້ຮູ້ໃນວັນທີ 24 ສິງຫານີ້ວ່າ: ປະທານາທິບໍດີ ທຣຳ ໄດ້ປະກາດໃຫ້ການຊ່ວຍເຫຼືອຕໍ່ລັດ California, ທີ່ເກີດໄພພິບັດໄຟໄໝ້ລາມປ່າຢ່າງຮຸນແຮງໃນປີນີ້.
ວັນທີ 22 ສິງຫາ ທ່ານ ທຣຳ ໄດ້ລົງນາມໃຫ້ການຊ່ວຍເຫຼືອດ້ານການເງິນແກ່ລັດ California ເພື່ອດັບມອດໄຟ. ວັນທີ 24 ສິງຫານີ້ ໄດ້ເກີດໄຟໄໝ້ລາມປ່າຫຼາຍກ່ວາ 585 ຈຸດໃນທົ່ວລັດ California, ທຳລາຍກ້ຽງ 400.000 ເຮັກຕາ, ປະຊາຊົນຫຼາຍກ່ວາ 100.000 ຄົນຈຳເປັນຕ້ອງອົບພະຍົບລີ້ໄພ ແລະ ມີຢ່າງໜ້ອຍ 6 ຄົນເສຍຊີວິດ.
ປັດຈຸບັນມີພະນັກງານມອດໄຟ 14.000 ຄົນ ກຳລັງດຳເນີນການມອດໄຟຢູ່.
ຂ່າວ: ລູກເມືອງພວນ.
