ປະທານາທິບໍ ເບຣາຣູດ ລົງຈາກເຮືອບິນມາ ຈັບປືນອອກມາພ້ອມ

ແຫຼ່ງຂ່າວຈາກ zingnews, ລາຍງານວັນທີ 24 ສິງຫານີ້ໃຫ້ຮູ້ວ່າ: ປະທານາທິບໍດີ Alexander Lukashenko ໃສ່ເສື້ອກັນລູກກະສຸນລົງຈາກເຮືອບິນມາພ້ອມຈັບປືນອອກມາພ້ອມ, ໃນທ່າມກາງມີຜູ້ປະທ້ວງລວມຕົວກັນຢູ່ໃກ້ກັບທີ່ເຮັດວຽກຂອງທ່ານເອງ.

ສຳນັກຂ່າວສານແຫ່ງຊາດຂອງເບຣາຣູດ, ວັນທີ 23 ສິງຫານີ້ໃຫ້ຮູ້ວ່າ: ເມື່ອເຮືອບິນຂອງລັດຖະບານລົງຈອດທີ່ສຳນັກງານປະທານາທິບໍດີ, ກໍເຫັນທ່ານ ປະທານາທິບໍດີ Lukashenko ລົງຈາກເຮືອບິນມາ, ມືຈັບປືນອອກມາພ້ອມ.

ການປະທ້ວງຢູ່ ເບຣາຣູດ ເລິ່ມເກີດຂຶ້ນແຕ່ວັນທີ 9 ສິງຫາເປັນຕົ້ນມາ, ພາຍຫຼັງມີການເລືອກຕັ້ງປະທານາທິບໍດີ, ຊຶ່ງຜູ້ປະທ້ວງບໍ່ພໍໃຈກັບການເລືອກຕັ້ງ ແລະ ກ່າວຫາວ່າ ການເລືອກຕັ້ງບໍ່ມີຄວາມຍຸຕິທຳ, ບໍ່ເປັນກາງ, ລັດຖະບານໂກງຄະແນນການເລືອກຕັ້ງ, ຊຶ່ງໄດ້ໃຫ້ອຳນາດຕໍ່ Lukashenko ເປັນສະໄໝທີສອງ ແລະ ຮຽກຮ້ອງໃຫ້ທ່ານລາອອກ.

ວັນທີ 23 ສິງຫາ ມີມວນຊົນປະມານ 200.000 ຄົນ ລວມຕົວກັນຢູ່ທີ່ສະໜາມຫຼວງເອກກະລາດທີ່ມີຄວາມກ້ວາງ 7 ເຮັກຕາ ແລ້ວເຄື່ອນຂະບວນໄປຫາທຳນຽບປະທານາທິບໍດີ.

ຂ່າວ: ລູກເມືອງພວນ.