ທ້າວ ພັນທະລັງ ອຸໄທທານີ ແລະ ນາງ ເພັດມະນີ ຄວ້າແຊ້ມຄູ່ປະສົມລາຍການເບຍລາວ ໂອເພັນ 2020

ການແຂ່ງຂັນດອກປີກໄກ່ ທົ່ວປະເທດ ຄັ້ງທີ 20 ຊີງຂັນປະທານສະພາແຫ່ງຊາດ ປະຈຳປີ 2020 ລາຍການ ເບຍລາວ ໂອເພັນ 2020  ທີ່ສະໜາມດອກປີກໄກ່ ເສດຖາ ( ບຶງຂະຫຍອງ ) ມີນັກກິລາເຂົ້າຮ່ວມທັງໝົດ 328 ຄົນ, ຍິງ 26 ຄົນ ຈາກ 40 ພາກສ່ວນ ໃນນັ້ນມາຈາກ 7 ແຂວງຊີງໄຊ 12 ລາຍການ,ເຊິ່ງເມື່ອວັນທີ 23 ສິງຫາທີ່ຜ່ານມາ. ການແຂ່ງຂັນນັດຊີງຊະນະເລີດຄູ່ປະສົມທົ່ວໄປ ລະຫວ່າງ ທ້າວ ພັນທະລັງ ອຸໄທທານີ ຈັບຄູ່ກັບ ນາງ ເພັດມະນີ ຈາກ ທະນາຄານ ລາວ-ຫວຽດ ມື 1 ຂອງລາຍການ ພົບກັບຄູ່ຂອງ ທ້າວ ໄຊສົມພອນ ກັບ ນາງ ສີລິພອນ ຈາກສະໂມສອນເສດຖາ

ເຊິ່ງຜົນການແຂ່ງຂັນປະກົດວ່າຄູ່ ທ້າວ ພັນທະລັງ ອຸໄທທານີ ແລະ ນາງ ເພັດມະນີ ຈາກ ທະນາຄານ ລາວ-ຫວຽດ ມື 1 ຂອງລາຍການ ບຽດເອົາຊະນະຄູ່ ທ້າວ ໄຊສົມພອນ ກັບ ນາງ ສີລິພອນ ຈາກສະໂມສອນເສດຖາໄປຢ່າງຫວຸດຫວິດ 2-1 ເຊັດ ດ້ວຍຄະແນນ 16-21, 21-18 ແລະ 21-16 ຄວ້າແຊ້ມ ລາຍການ ເບຍລາວ ໂອເພັນ 2020 ໄປຄອງສະໄໝທີ 2 ພ້ອມດ້ວຍຫຼຽນຄໍາ ແລະ ເງິນລາງວັນ 2.500.000 ລ້ານກີບ

ພາບ: ທ່ານ ວັດທະນາ ແກ້ວມະນີວົງ