ນັກການເມືອງຍິ່ປຸ່ນຖືກຈັບ ຍ້ອນຮັບສິນບົນຈາກບໍລິສັດກາຊີໂນຂອງຈີນ

ຂ່າວສານຂອງຫວຽດນາມ tuoitre, ວັນທີ 21 ສິງຫານີ້ໃຫ້ຮູ້ວ່າ: ສະມາຊິກຜູ້ແທນລາດຊະດອນຂອງຍີ່ປຸ່ນ Akimoto, ອາຍຸ 48 ປີ ຖືກຈັບຕົວໃນວັນທີ 20 ສິງຫານີ້ ດ້ວຍຂໍ້ຫາຮັບສິນບົນ 7,6 ລ້ານເຢັນ ຫຼື ປະມານ 72.000 ໂດລາຈາກບໍລິສັດກາຊີໂນຂອງຈີນໃນປີ 2017 ແລະ 2018.

ສຳນັກຂ່າວ Japan Times ໃຫ້ຮູ້ວ່າ: ໄອຍະການຂອງຍີ່ປຸ່ນໄດ້ອອກໝາຍຈັບຕົວTsukasa Akimoto ດ້ວຍຂໍ້ຫາ ໃຊ້ເງິນຈ້າງພະຍານໃຫ້ການຕໍ່ສານທີ່ພົວພັນເຖິງເລື່ອງລາວກັບບໍລິສັດຂອງຈີນ.

ບໍລິສັດ 500.com ຂອງຈີນເຂົ້າໄປດຳເນີນທຸລະກິດຢູ່ຍີ່ປຸ່ນໃນເດືອນ ກໍລະກົດ ປີ 2017 ເພື່ອສ້າງເຂດຕາກອາກາດ ແລະ ມີກາຊີໂນນຳ, ໃນແຂວງ Hokkaido.

ໄອຍະການຂອງຍີ່ປຸ່ນສົງໄສວ່າບໍລິສັດຂອງຈີນໃຫ້ສິນບົນແກ່ Akimoto ເພື່ອຊອກຫາວິທີທາງສ້າງກາຊີໂນຢູ່ຍີ່ປຸ່ນ.

ຂ່າວ: ລູກເມືອງພວນ.