ທຣຳ ຂູ່ຈະຂຶ້ນພາສີຕໍ່ບໍລີສັດໃດຂອງສະຫະລັດ ທີ່ບໍ່ຍ້າຍຖານການຜະລິດກັບປະເທດ

ແຫຼ່ງຂ່າວຈາກ thoidai, ວັນທີ 21 ສິງຫານີ້ໃຫ້ຮູ້ວ່າ:ປະທານາທິບໍດີ ທຣຳ ຈະຂຶ້ນພາສີຕໍ່ບໍລິສັດໃດຂອງສະຫະລັດທີ່ບໍ່ຍ້າຍຖານການຜະລິດກັບຄືນປະເທດເພື່ອສ້າງວຽກເຮັດງານທຳໃຫ້ຊາວອາເມລິກາ.

ຄຳປະກາດດັ່ງກ່າວແມ່ນມີຂຶ້ນໃນຂະນະທີ່ເຂົາໄປຫາສຽງຢູ່ທີ່ Pennsylvania ໃນມໍ່ໆມານີ້. ທ່ານກ່າວວ່າ: “ພວກເຮົາຈະຜ່ອນຜັນພາສີໃຫ້ບໍລິສັດໃດທີ່ຍ້າຍຖານການຜະລິດກັບຄືນ ແລະ ສ້າງວຽກເຮັດງານທຳໃຫ້ຊາວອາເມລິກາ ແລະ ພວກເຮົາຈະຂຶ້ນພາສີໜັກໆຕໍ່ບໍລິສັດໃດທີ່ບໍ່ຍ້າຍຖານການຜະລິດກັບຄືນສະຫະລັດ”.

ທຣຳເນັ້ນວ່າ: “ເຂົາຈະເຮັດຫຍັງ?” ໃນທີ່ສຸດເຂົາກໍຕ້ອງຍ້າຍຖານການຜະລິດກັບຄືນປະເທດ.

ດ້ວຍນະໂຍບາຍດ້ານພາສີດັ່ງກ່າວ, ທຳນຽບຂາວອາດຈະສ້າງແຮງກົດດັນຕໍ່ບັນດາບໍລີສັດຂອງສະຫະລັດອາເມລິກາທີ່ເຄື່ອນໄຫວດຳເນີນທຸລະກິດຢູ່ຕ່າງປະເທດ ຈະຕ້ອງກັບຄືນສະຫະລັດ.

ທ່ານ Navarro ທີ່ປຶກສາທາງດ້ານການຄ້າຂອງ ທຣຳ ກ່າວວ່າ: “ພວກເຮົາເຄີຍເຫັນນະໂຍບາຍ ເຫຼັກ ແລະ ອາລູມີນຽມນີ້ມາຫຼາຍແລ້ວ, ທີ່ມີຕໍ່ສິນຄ້ານຳເຂົ້າຈາກຈີນ, ກໍເຊັ່ນດຽວກັນດ້ວຍນະໂຍບາຍນີ້ ສະຫະລັດຈະມີໂຮງຈັກໂຮງງານ, ມີວຽກເຮັດງານທຳຫຼາຍຂຶ້ນ ”.

ຂ່າວ: ລູກເມືອງພວນ.