ແຊ້ມຊົນແຊ້ມ ລີເວີພູລ ພົບ ອາເຊນອລ ຊິງຂັນຄອມມູນີຕີ້ຊິວ 29 ສິງຫານີ້..!
ຕາມການລາຍງານຂອງ FA ຫຼື ສະຫະພັນບານເຕະແຫ່ງອັງກິດໄດ້ໃຫ້ຮູ້ວ່າ: ຝ່າຍຈັດການແຂ່ງຂັນເຕະບານລາຍການ ຄອມມູນີຕີ້ຊິວ 2020, ເປັນການໂຄຈອນມາພົບກັນລະຫວ່າງ ລີເວີພູລ ແຊ້ມພຣີເມ່ຍລີກ ພົບກັບ ອາເຊນອລ ແຊ້ມເອຟເອຄັບ ແລະ ໄດ້ກຳນົດແຂ່ງຂັນໃນວັນທີ 29 ສິງຫານີ້ ທີ່ສະໜາມກິລາແຫ່ງຊາດອັງກິດເວັມບລີ ເວລາ 22:30 ຕາມເວລາໃນປະເທດລາວ ໂດຍຈະແຂ່ງຂັນແບບປິດ (ຫ້າມກອງເຊຍເຂົ້າສະໜາມ) ເພື່ອປ້ອງກັນການຕິດເຊື້ອໂຄວິດ-19. 
ສຳລັບ ລີເວີພູລ ແລະ ອາຣເຊນອລ ລົງແຂ່ງຂັນລາຍການນີ້ເປັນຄັ້ງທີ 23 ຫົງແດງ ໄດ້ແຊ້ມ 15 ສະໄໝ ໃນນີ້ເປັນແຊ້ມຮ່ວມ 3 ສະໄໝ, ເປັນແຊ້ມຫລ້າສຸດປີ 2006 ແລະ ຫລ້າສຸດປີ 2019 ທີ່ເສຍໃຫ້ ແມນຊິຕີ້ ດ້ວຍການດວນຈຸດໂທດ 4-5, ຂະນະທີ່ ອາເຊນອລ ກໍ່ໄດ້ແຊ້ມນີ້ 15 ສະໄໝ ເປັນແຊ້ມຫລ້າສຸດປີ 2017 ໃນນີ້ເປັນແຊ້ມຮ່ວມ 1 ສະໄໝ ປີ 1991.
ພ້ອມດຽວກັນນັ້ນທັງສອງທີມພົບກັນໃນລາຍການນີ້ເປັນຄັ້ງທີ 4 ໃນ 3 ຄັ້ງຜ່ານມາ ລີເວີພູລ ຊະນະ 2 ອາເຊນອລ ຊະນະ 1 ປີ 1979 ລີເວີພູລ ຊະນະ 3-1, ປີ 1989 ລິເວີພູລ ຊະນະ 1-0 ແລະ ປີ 2002 ອາຣເຊນອລ ຊະນະ 1-0, ລະດູການຜ່ານມາພົບກັນ 3 ນັດ ໃນພຣີເມ່ຍລີກ 2 ນັດ ລີເວີພູລ ຊະນະຢູ່ບ້ານ 3-1 ແລະ ອາຣເຊນອລ ຊະນະຢູ່ບ້ານຕົນເອງ 2-1 ອີກໜຶ່ງນັດເປັນເກມ ລີກຄັບ ຮອບ 16 ທີມສຸດທ້າຍທີ່ແອນຟິວ ລີເວີພູລ ຊະນະດວນຈຸດໂທດ 5-4 ເວລາປົກກະຕິສະເໝີກັນ 5-5.
