ລາວຟອດ ນຳສະເໜີລົດຂົນສົ່ງເງິນນິລະໄພຮຸ່ນໃໝ່

 

          ລົດຂົນເງິນນິລະໄພ ເປັນພາຫະນະໜຶ່ງທີ່ໄດ້ຮັບການພັດທະນາຂຶ້ນ, ໂດຍສະຖານບັນການເງິນສາກົນ, ເພື່ອນຳໃຊ້ເຂົ້າໃນການຂົນສົ່ງເງິນ, ວັດຖຸມີຄ່າຕ່າງໆໃຫ້ໄປເຖິງຈຸດໝາຍປາຍທາງດ້ວຍຄວາມປອດໄພ.

ໃນວັນທີ 16 ມີນາຜ່ານມານີ້, ບໍລິສັດ ເອເອັມເອ ລາວ ແລະ ບໍລິສັດ ລາວຟອດ ຊີຕີ, ໄດ້ຈັດພິທີນຳສະເໜີລົດຂົນເງິນ ຟອດ ເອເວີເຣດທ໌ ຮຸ່ນໃໝ່, ຊຶ່ງເປັນລົດຂົນເງິນທີ່ມີຂະໜາດໃຫຍ່, ມີຕູ້ນິລະໄພທີ່ມີລະບົບລ໋ອກເຖິງ 2 ຊັ້ນ ເພື່ອປ້ອງກັນການໂຈລະກຳຈາກກຸ່ມຄົນບໍ່ດີ, ພ້ອມທັງຮັບປະກັນຄວາມປອດໄພສູງເປັນຕົ້ນ ມີລະບົບການແຈ້ງເຕືອນສຸກເສີນກໍລະນີລົດຈະເກີດອຸປະຕິເຫດ, ມີຊຸດປະຖົມພະຍາບານເບື້ອງຕົ້ນ, ມີລະບົບສັນຍານເຕືອນກໍລະນີລົດເກີດໄຟໄໝ້, ມີຖັງດັບເພີງ, ໂຄມໄພ ແລະ ອຸປະກອນກວດຈັບຄວັນນຳອີກ.