5 ແນວທາງໃນການລ້ຽງລູກກ່ອນໄວເຂົ້າໂຮງຮຽນໃຫ້ໄດ້ດີ ເລີ່ມຕົ້ນດັ່ງນີ້.

ເດັກກ່ອນໄວເຂົ້າໂຮງຮຽນ ເປັນໄວຮຽນຮູ້ ແລະ ເຂົ້າໃຈຫຍັງຫລາຍໆຢ່າງໄດ້ດີ, ເດັກບາງຄົນມີອາລົມຄວາມຮູ້ສຶກແບບຮຸນແຮງ, ຢາກຮູ້, ຢາກເຫັນ, ຢາກເປັນໂຕຂອງໂຕເອງ. ດັ່ງນັ້ນ, ທ່ານຕ້ອງລ້ຽງໃຫ້ດີ, ຕ້ອງຄວບຄຸມອາລົມຂອງຕົນເອງໃຫ້ດີທີ່ສຸດ, ລ້ຽງລູກໃຫ້ໄດ້ດີ, ບໍ່ດື້ຈົນເກີນໄປ, ແຕ່ຈະເຮັດແນວໃດນັ້ນ ຜູ້ຊ່ຽວຊານແນະນຳດັ່ງນີ້ :

ລ້ຽງລູກໄວກ່ອນເຂົ້າໂຮງຮຽນໃຫ້ໄດ້ດີ ບໍ່ຍາກ ຕ້ອງເລີ່ມຕົ້ນແນວໃດ ເຮົາມີວິທີແນະນຳ :

1. ເລີ່ມຕົ້ນໄວ : ທ່ານຄວນກຳໜົດຄວາມຄາດຫວັງ ວ່າຈະລ້ຽງລູກໄປທິດທາງໃດ ໃຫ້ກົງກັບພຶດຕິກຳທີ່ທ່ານສາມາດເຮັດ ແລະ ຄວບຄຸມເດັກ ເພາະເດັກນ້ອຍຈະສັງເກດຈາກການລ້ຽງດູ ແລະ ຄວາມລຶ້ງເຄີຍ ຫລາຍກ່ວາການເວົ້າ, ແຕໃນຂະນະດຽວກັນ ຄວນເປັນໄປຕາມທຳມະຊາດ ແລະ ບໍ່ກົດດັນ, ລ້ຽງໃນແບບຂອງທ່ານ ແຕ່ຕ້ອງກົງໄປໃນທາງທີ່ລູກຕ້ອງການ, ລູກຈະເຮັດ ຫລື ບໍ່ເຮັດ ຂຶ້ນກັບການລ້ຽງດູຂອງພໍ່ແມ່ຕັ້ງແຕ່ເລີ່ມຕົ້ນ.
2. ການກຳນົດຄ່າໃຊ້ຈ່າຍ :ເປັນເລື່ອງຈິງທີ່ຕ້ອງຍອມຮັບ ວ່າມີລູກຕ້ອງມີຄ່າໃຊ້ຈ່າຍທີ່ເພີ່ມຂຶ້ນ ເດັກໄວນີ້ຍັງໃໝ່ກັບໂລກ ເມື່ອເຂົາເຫັນສິ່ງແປກໃໝ່ມັກຈະຢາກໄດ້ຢາກລອງ ຢາກຫລິ້ນ ສິ່ງເຫລົ່ານີ້ມັກຈະເຮັດໃຫ້ພໍ່ແມ່ຫລາຍຄົນຫລົງກົນ ເມື່ອທ່ານໃຊ້ຈ່າຍເງິນໄປກັບສິ່ງຂອງເຫລົ່ານີ້ໃຫ້ລູກເຫັນຕະຫລອດ ເປັນສິ່ງທີ່ບໍ່ຖືກຕ້ອງ ທ່ານຕ້ອງຄວບຄຸມຕົນເອງ ແລະ ກຳນົດຂອບເຂດການໃຊ້ເງິນກັບລູກຕັ້ງແຕ່ຍັງນ້ອຍ.
3. ການເວົ້າຈີ້ ຫລື ເວົ້າເລື່ອງບໍ່ດີຊຳ້ໆກັບລູກເປັນສິ່ງບໍ່ດີ : ບໍ່ຕ້ອງໄປຍຳ້ຄິດຍຳ້ທຳກັບລູກ, ການຈຸກຈິກຈູ້ຈີ້ ລຳລິລຳໄລກັບລູກບໍ່ໄດ້ເຮັດໃຫ້ເກີດຜົນຜົນ, ການໂອ້ລົມກັບລູກເພື່ອໃຫ້ລູກສະແດງເຫດຜົນອອກມາຈະໄດ້ຜົນດີກ່ວາ ແລະ ບໍ່ຕ້ອງເວົ້າກັນເລື່ອງເກົ່າໆຕະຫລອດກໍໄດ້.
4. ສອນຄວາມອົດທົນໃຫ້ແກ່ລູກ :ລູກບໍ່ໄດ້ເປັນເດັກປ່ວຍຕະຫລອດເວລາ ພວກເຂົາສາມາດຮັບອາກາດຜິດຫວັງ ຫລື ອາລົມຫງຸດຫງິດໄດ້ດີໃນລະດັບໜຶ່ງ, ບໍ່ຕ້ອງພະຍາຍາມຫລອກລໍ້ເພື່ອໃຫ້ກັບມາອາລົມດີໃນທັນທີ, ລູກຄວນຮູ້ຈັກອົດທົນ ແລະ ຮຽນຮູ້ໃນບາງເລື່ອງດ້ວຍຕົນເອງ, ການຝຶກຄວາມອົດທົນຂອງລູກເປັນສິ່ງທີ່ລູກບໍ່ມັກ ແລະ ບໍ່ຄາດຫວັງໃນຕອນນີ້, ແຕ່ຈະມີຜົນດີກັບລູກຫລາຍໃນອະນາຄົດ ເວລາທີ່ລູກຕ້ອງໄປໂຮງຮຽນ, ເຮັດກິດຈະກຳ ຫລື ເຂົ້າສັງຄົມກັບໝູ່ເພື່ອນຫລາຍ ຖ້າລູກມີຄວາມອົດທົນ ແລະ ຈະສາມາດຄວບຄຸມຕົນເອງໄດ້ດີ ເປັນສິ່ງທີ່ດີຫລາຍສຳລັບເດັກທຸກຄົນທີ່ຄວນຈະໄດ້ຮັບການຝຶກເລື່ອງນີ້ໄວ້ຕັ້ງແຕ່ຍັງນ້ອຍ.
5. ຝຶກຕົນເອງໃຫ້ໃຈເຢັນ : ຖ້າພໍ່ແມ່ມີອາລົມຮ້ອນ, ອາລົມເສຍ, ມີໂອກາດວ່າເດັກຈະອາລົມເສຍໄດ້ງ່າຍ. ຈາກການສຶກສາວິໄຈເດັກໃນຄອບຄົວກ່ວາ 350 ຄອບຄົວ ເມື່ອຜູ້ປົກຄອງສະແດງພຶດຕິກຳແບບໃດ ເດັກມັກຈະເຮັດນຳ ແລະ ສະແດງພຶດຕິກຳແບບດຽວກັນໃນທັນທີ ຫລື ເກັບໄວ້ໃນໃຈກ່ອນ ແລ້ວສະແດງອອກມາໃນເວລາບໍ່ດົນ. ຖ້າພໍ່ແມ່ຄວບຄຸມອາລົມຕົນເອງໄດ້ດີ ເດັກຈະຄວບຄຸມອາລົມຕົນເອງໄດ້ດີຄືກັນ.