ກວດຫາເຊື້ອໂຄວິດ-19 ດ້ວຍວິທີການ SalivaDirect(ນໍ້າລາຍ) ເປັນວິທີການທີ່ໄວ,ລາຄາຖືກ ແລະ ຊັດເຈນ

CNN ລາຍງານຂ່າວ ເມື່ອວັນທີ 17 ສິງຫານີ້ ວ່າ: ວິທີການກວດຫາເຊື້ອໂຄວິດ-19 ດ້ວຍວິທີການ SalivaDirect(ນໍ້າລາຍ) ຈາກບັນດານັກວິທະຍາສາດ ໃນໂຮງຮຽນການແພດຊຸມຊົນ Yale ແລະ ໄດ້ຮັບໃບອະນຸຍາດຈາກກົມຄຸ້ມຄອງອາຫານ ແລະ ຢາ(FDA) ເມື່ອວັນທີ 15 ສິງຫາຜ່ານມານັ້ນ ອາດຈະຊ່ວຍໃຫ້ສະຖານະການມີການປ່ຽນແປງ, ປ່ຽນແທນວິທີການກວດຫາເຊື້ອທີ່ມີຄວາມຊັກຊ້າ ແລະ ຫຍຸ້ງຍາກຄືໃນປັດຈຸບັນ.

ການກວດຫາເຊື້ອແບບໃໝ່ນີ້ບໍ່ໄດ້ມີຫຍັງສິ້ນເປືອງ ແລະ ຫຍຸ້ງຍາກຄືກັນກັບວິທີການທີ່ດຳເນີນການຢູ່ໃນປັດຈຸບັນ, ຈ່າຍພຽງ 10 ໂດລາໃຫ້ແກ່ໜຶ່ງຕົວຢ່າງກໍພຽງພໍແລ້ວ, ຖ້າວິທີການໃໝ່ນີ້ຫາກໄດ້ຮັບການພັດທະນາ, ຄິດວ່າມັນສາມາດສະກັດກັ້ນໂຄວິດ-19 ໄດ້ກ່ອນທີ່ຈະມີວັກຊີນອີກຊໍ້າ.

ບັນດານັກຄົ້ນຄວ້າໃຫ້ຮູ້ວ່າ: ການກວດຫາເຊື້ອແບບໃໝ່SalivaDirectນີ້ ໄດ້ຮັບຜົນໄວກວ່າ, ບໍ່ເຖິງ 3 ຊົ່ວໂມງ ແລະ ປະສິດທິພາບກໍທຽບເທົ່າກັບວິທີການແບບເກົ່າຊຶ່ງເອົາຕົວຢ່າງຈາກຮູດັງ, ແຕ່ນີ້ພຽງແຕ່ເອົານໍ້າລາຍເທົ່ນນັ້ນ.

ຂ່າວ: ລູກເມືອງພວນ(ແຫຼ່ງຂ່າວ thoida)