ດຳເນີນຄະດີສາວງາມຊື້ຂາຍປະເວນີ ຊາຍກ້າມໃຫຍ່

ວັນທີ 12 ສິງຫານີ້, ອົງການຕຳຫຼວດສືບສວນສອບສວນ ຄຸ້ມລ໊ອງບຽນ ຮ່າໂນ້ຍ ໄດ້ມີຄຳສັ່ງດຳເນີນຄະດີກັບ ຜູ້ເປັນນາຍໜ້າຄ້າຂາຍໂສເພນີ, ພ້ອມດຽວກັນນັ້ນ ກໍໄດ້ກັກຕົວນາຍໜ້າຄ້າຂາຍປະເວນີ ຫງວຽນເຟືອງຖາວ.

ກ່ອນໜ້ານັ້ນ, ວັນທີ 4 ສິງຫາ, ເຈົ້າໜ້າທີ່ຕຳຫຼວດຄຸ້ມລ໊ອງບຽນ ໄດ້ຈັບຄາໜັງຄາເຂົາຄູຝຶກສອນເພາະກາຍ ທີ່ກຳລັງຂາຍປະເວນີໃຫ້ກັບລູກຄ້າຄົນໜຶ່ງຊຶ່ງເປັນເພດຍິງ, ມີອາຍຸອ່ອນກວ່າຕົນເອງ 8 ປີ. ຫຼັງຈາກນັ້ນ, ຫງວຽນເຟືອງຖາວ ໄດ້ຍອມຮັບສາລະພາບກັບເຈົ້າໜ້າທີ່ຕຳຫຼວດວ່າ ໄດ້ເປັນນາຍໜ້າຄ້າຂາຍປະເວນີແທ້.

ຢູ່ທີ່ຫ້ອງການຂອງເຈົ້າໜ້າທີ່ຕຳຫຼວດ, ຖາວ ໃຫ້ການວ່າ ຕົນເອງໄດ້ຢູ່ໃນເຄືອຂ່າຍຂອງຂະບວນການຄ້າຂາຍໂສເພນີ ໃຫ້ກັບຜູ້ທີ່ມີຄວາມຕ້ອງການຜູ້ຊາຍ. ຄ່າເປັນນາຍໜ້າແມ່ນ 18 ລ້ານດົງ. ໃນນັ້ນ, ຜູ້ຂາຍປະເວນີໄດ້ 3 ລ້ານດົງ, ຖາວ ໄດ້ 6 ລ້ານດົງ, ສ່ວນທີ່ຍັງເຫຼືອແມ່ນເປັນຂອງພໍ່ໂປ່.