ຢູເວນຕຸສ ມອບລາງວັນນັກເຕະຊົງຄຸນຄ່າ (MVP) ໃຫ້ກັບ ໂຣນັລໂດ

ຢູເວນຕຸສ ແຊ້ມກັນໂຊ ເຊເຣອາ ອິຕາລີ ປະກາດຜ່ານທະວິດເຕີ ທາງການຂອງສະໂມສອນວ່າ: ຄຣິສຕຽນໂນ ໂຣນັນໂດ ກອງໜ້າຂອງ ຢູເວນຕຸສ ໄດ້ຮັບເລືອກເປັນນັກເຕະດີເດັ່ນ ຫຼື ນັກເຕະຊົງຄຸນຄ່າ (MVP)  ຂອງທີມລະດູການ 2019-2020 ເປັນທີ່ຮຽບຮ້ອຍ ເມື່ອ 10 ສິງຫາທີ່ຜ່ານມາ.

ສຳຫຼັບໂຣນັນໂດ ຍິງປະຕູໃຫ້ກັບ ຢູເວນຕຸສ ໄປແລ້ວ 37 ປະຕູ,ໃນລະດູການ 2019-2020 ຈາກ 46 ນັດລວມທຸກລາຍການ ກາຍເປັນສະຖິຕິນັກເຕະທີ່ຍິງຫຼາຍທີ່ສຸດໃນ 1 ລະດູການ ຂອງຢູເວນຕຸສ ທໍາລາຍສະຖິຕິຂອງ ເຟລິຊ ໂບເຣລ ຕໍານານກອງໜ້າຂອງ ຢູເວນຕຸສ ທີ່ເຮັດໄວ້ 36 ປະຕູເມື່ອລະດູການ 1933-1934.

ສ່ວນລາງວັນດັ່ງກ່າວນັ້ນ ໄດ້ມີການປະກາດມອບໃຫ້ກັບ ໂຣນັລໂດ ຫຼັງຈາກທີ່ມີຂ່າວວ່າ ໂຣນັລໂດ ອາດຈະຍ້າຍທີມ ແລະ ໄປພົວພັນກັບ ປາຣີສ ແຊງແຊກແມງ ທີມຍັກໃຫຍ່ໃນລີກເອິງ ຝຣັ່ງ ຫຼັງຈາກທີ່ ຢູເວນຕຸສ ຕົກຮອບຢູຟ້າແຊ໋ມປ້ຽນລີກ.