ໄລຍະເວລາຟັກຕົວຂອງໂຄວິດ-19 ອາດຈະຝັກຕົວດົນກ່ວາແຕ່ກ່ອນ

ໄລຍະເວລາຟັກຕົວຂອງໂຄວິດ-19 ອາດຈະດົນກວ່າຕາມທີ່ເຂົ້າໃຈເບື້ອງຕົ້ນ. ນີ້ແມ່ນການເປີດເຜີຍຜົນງານການຄົ້ນຄ້ວາຫຼ້າສຸດຂອງທິມແພດກຸ່ມໜຶ່ງທີ່ຄົ້ນຄວ້າກັບຜູ້ຄົນມາຈາກ ອູຮັ່ນ ປະເທດຈີນ

ວົງການແພດເຂົ້າໃຈຕົງກັນວ່າ ໄລຍະຟັກຕົວຂອງໂຄວິດ-19 ແມ່ນປະມານ 5 ວັນຂຶ້ນໄປ ແລະ ດົນສຸດແມ່ນ 2 ອາທິດ.

ສຳນັກຂ່າວໄປສະນີຕອນໃຕ້ໃນຍາມເຊົ້າຂອງຈີນ ອ້າງຄຳເຫັນຂອງນັກຄົ້ນຄວ້າຈາກສູນກາງຄວບຄຸມ ແລະ ປ້ອງກັນພະຍາດຂອງຈີນ, ສະຖາບັນ ພະຍາດພູມແພ້ ແລະ ພະຍາດຕິດຕໍ່ແຫ່ງຊາດຂອງສະຫະລັດ ແລະ ມະຫາວິທະຍາໄລເປຄິງ(Peking) ຊີ້ໃຫ້ເຫັນວ່າ: ໄລຍະເວລາຟັກຕົວຂອງໂຄວິດ-19 ອາດຈະດົນກວ່າຕາມທີ່ເຂົ້າໃຈຄືໄລຍະຜ່ານມາ.

ບັນດາທິມນັກຊ່ຽວຊານໄດ້ຄົ້ນຄວ້າ ແລະ ນຳໃຊ້ຄວາມເປັນໄປໄດ້ຂໍ້ມູນຈາກຜູ້ປ່ວຍໂຄວິດ-19 ຫຼາຍກວ່າ 1.000 ຄົນ ທີ່ມາຈາກ ອູຮັ່ນ ກ່ອນທີ່ເມືອງ ອູຮັ່ນຈະປິດປະຕູໃນວັນທີ 23 ມັງກອນ 2020. ບັນດານັກຊ່ຽວຊານເຫຼົ່ານັ້ນພົບວ່າ ໄລຍະຟັກຕົວຂອງໂຄວິດ-19 ແມ່ນ 8,29 ວັນ, ຊຶ່ງສູງກວ່າລະດັບປານກາງ 7.76 ວັນກ່ອນໜ້ານັ້ນ.

ທີມຄົ້ນຄວ້າອະທິບາຍວ່າ: “ການທີ່ຮູ້ຊັດເຈນໄລຍະຟັກຕົວຂອງໂຄວິດ-19 ແມ່ນມີຄວາມສຳຄັນຫຼາຍ, ຊຶ່ງຈະຊ່ວຍໃຫ້ການວາງມາດຕະການກັກຕົວຜູ້ຕິດເຊື້ອມີຄວາມຖືກຕ້ອງແມ່ນຢຳຂຶ້ນ ທັງນີ້ກໍເພື່ອຈຸດປະສົງປ້ອງກັນ ແລະ ຄວບຄຸມພະຍາດ ແລະ ມັນຍັງມີຄວາມຈຳເປັນໃນການຊອກຫາເສັ້ນທາງຕິດຕໍ່ຂອງພະຍາດ ແລະ ພັດທະນາວິທີການປິ່ນປົວ…ເຖິງແມ່ນວ່າ ໄລຍະການຟັກຕົວມີຄວາມສຳຄັນຫຼາຍກໍຕາມ ແຕ່ປັດໄຈດັ່ງກ່າວມັກຈະຖືກຕີລາຄາຕໍ່າ ອັນເນື່ອງມາຈາກຂໍ້ມູນຍັງຈຳກັດ”.

ບັນດານັກຊ່ຽວຊານຍັງໃຫ້ຮູ້ຕື່ມອີກວ່າ: ມີປະມານ 10% ຂອງຜູ້ຕິດເຊື້ອຈະເກີດອາການພາຍຫຼັງ 2 ອາທິດຕິດໄວຣັດ. ນີ້ຄືໄລຍະເວລາທີ່ຈະຕ້ອງໄດ້ເອົາໃຈໃສ່ຕື່ມອີກໃນການກັກຕົວໃຫ້ຖືກຕ້ອງ, ເຊິ່ງຫຼັກການລວມການກັກຕົວທົ່ວໂລກໃນຂະນະນີ້ແມ່ນ 14 ວັນ.

ຜົນງານການຄົ້ນຄວ້າດັ່ງກ່າວ ຖືກຕີເຜີຍແຜ່ອອກໃນວາລະສານScience Advances ຂອງສະຫະລັດ ແລະ ບັນດານັກຊ່ຽວຊານຍອມຮັບວ່າ ຍັງມີຫຼາຍຂໍ້ຈຳກັດຕໍ່ກັບການສະຫຼຸບຄວາມດັ່ງກ່າວ. ສີ່ງທີ່ຄວນເອົາໃຈໃສ່ກໍຄື ຂໍ້ມູນຂອງພວກເຂົາພຽງແຕ່ອີງໃສ່ຜູ້ຕິດເຊື້ອກ່ອນໜ້ານັ້ນຂອງປີ ຈຶ່ງຈະບໍ່ຖືກກັບໝົດໃນທຸກກໍລະນີ ທີ່ໄວຣັດມີການປ່ຽນແປງ ຫຼື ມີການປັບຕົວ.

ຂ່າວ: ລູກເມືອງພວນ(ແຫຼ່ງຂ່າວ VietNamNet)