ຊ້າງນ້ອຍ ຄືນຟອມຖະຫຼົ່ມ ນ້ອງໃໝ່ ວຽງຈັນ 7-1 ເປບຊີ ລາວລີກ 1

August 10, 2020 - 12:42 PM

- kitchen vibe - ຊ້າງນ້ອຍ ຄືນຟອມຖະຫຼົ່ມ ນ້ອງໃໝ່ ວຽງຈັນ 7-1 ເປບຊີ ລາວລີກ 1

ທັບນັກເຕະພະລັງຊ້າງຄຳ ສະໂມສອນ ຊ້າງນ້ອຍ ເອັບຊີ ຄືນຟອມເກັ່ງໄລ່ຖະຫຼົ່ມເອົາຊະນະ ທັບນັກເຕະອັດສະວິນຟ້າ-ຂາວ ສະໂມສອນ ວຽງຈັນ ເອັບທີ ໄປແບບຂາດຮອຍ 7-1 ປະຕູ ເກັບ 3 ຄະແນນ ຈາກການລົງສະໜາມ 5 ນັດ ຊະນະ 2 ນັດ, ສະເໝີ 1 ນັດ ແລະ ເສຍ 2 ນັດ ມີ 7 ຄະແນນ ແຊງໜ້າ ເອສຣາ ຂຶ້ນໄປຢືນຢູ່ອັນດັບທີ 3 ຕາຕະລາງແຂ່ງຂັນເຕະບານລີກສູງສຸດຂອງປະເທດ ຫຼື ລາຍການ ເປບຊີ ລາວລີກ 1 ລະດຸການ 2020. ຂະນະທີ່ ສະໂມສອນ ເອັດທີທີ ເອັບຊີ ກໍໄລຖະຫຼົ່ມເອົາຊະນະ ສະໂມສອນ ເອັດອີຊີ ຢູໄນເຕັດ ເຖິງ 6-0 ປະຕູ ລາຍການ ຄອມມານໂດ ລາວລີກ 2.

- 117248984 2662152804044404 273241513393690346 n - ຊ້າງນ້ອຍ ຄືນຟອມຖະຫຼົ່ມ ນ້ອງໃໝ່ ວຽງຈັນ 7-1 ເປບຊີ ລາວລີກ 1

- Visit Laos Visit SALANA BOUTIQUE HOTEL - ຊ້າງນ້ອຍ ຄືນຟອມຖະຫຼົ່ມ ນ້ອງໃໝ່ ວຽງຈັນ 7-1 ເປບຊີ ລາວລີກ 1

ການແຂ່ງຂັນເຕະບານເປບຊີ ລາວລີກ 1 ປະຈຳອາທິດທີ 5 ແລະ ການແຂ່ງຂັນລາຍການ ຄອມມານໂດ ລາວລີກ 2 ປະຈຳອາທິດທີ 3 ໄດ້ມີຂຶ້ນ ເມື່ອລະຫວ່າງວັນທີ 8-9 ສິງຫາ ຜ່ານມາ ເຊິ່ງມີແຂ່ງຂັນ ທີ່ 2 ສະໜາມ ກໍຄື ສະໜາມກິລາແຫ່ງຊາດ (ຫຼັກ16) ສະໜາມໃນ-ສະໜາມນອກ ແລະ ສູນຝຶກກິລາບານເຕະແຫ່ງຊາດ (ຫ້ວຍຫົງ) ລວມ 2 ລາຍການ ກໍມີທີມລົງສະໜາມເຖິງ 9 ຄູ່,

ໃນນັ້ນ ສະເພາະ ເປບຊີລາວລີກ ມີ 3 ຄູ່ ຜ່ານການແຂ່ງຂັນຜົນປະກົດວ່າ: ໃນວັນເສົາທີ 8 ສິງຫາ ຜ່ານມາ ໃນລາຍການ ເປບຊີ ລາວລີກ 1 ຄູ່ທີ 1 ສະໂມສອນ ລາວ ເອັບຊີ ແຊ໋ມ 4 ສະໄໝ ຊະນະ ເອສຣາ ຫວຸດຫວິດ 2-1 ປະຕູ ໂດຍປະຕູໄຊ ໄດ້ຈາກ ເລຊີໂອ ໂກເມສ ນາທີ 3 ແລະ ກາຊູໂອະ ໂຮມມະ ນາທີ 7 ສ່ວນ ເອສຣາ ໄດ້ປະຕູຕີຕື້ນຈາກ ເຫຼັກໂຕ້ ຫຼວງອາໄພ ນາທີ 41, ຄູ່ທີ 2 ມາສເຕີ ເຊເວັນ ເອັບຊີ ຖະຫຼົ່ມເອົາຊະນະ ທີມນ້ອງໃໝ່ ສະໂມສອນ ວຽງຈັນ ເອັບຊີ 4-0 ປະຕູ ນັດນີ້ ແກ້ວວຽງເພັດ ລິດທິເດດ ກອງໜ້າກັບຕັນທີມ ເໝົາຄົນດຽວ 3 ປະຕູ ໃນນາທີໆ 4, 79 ແລະ ນາທີໆ 90+4 ສ່ວນປະຕູທີ 4 ໄດ້ຈາກ ກຽງທະວີສັກ ໄຊຊະນະພັນຍາ ນາທີ 74 ແລະ ໃນວັນທີ 9 ສິງຫາ 2020 ມີຄູ່ດຽວ ສະໂມສອນ ຊ້າງນ້ອຍ ເອັບຊີ ຖະຫຼົ່ມເອົາຊະນະ ທີມນ້ອງໃໝ່ ສະໂມສອນ ວຽງຈັນ ເອັບທີ 7-1 ປະຕູ ໄດ້ປະຕູໄຊຈາກ ວັນນະສອນ ດວງໄມຕີ ນາທີ 4, 8 ແລະ ນາທີໆ 84, ຈັນທະຈອນ ທິໂນລາດ ນາທີໆ 6, ທາກຸມູ ນິຊິຮາຣາ ນາທີໆ 10 ແລະ ບຸນພະຈັນ ບຸນກອງ ນາທີໆ 45+2 ແລະ ນາທີໆ 66.

- c2a601b0 1ac0 4884 8dae 7cee5ea439a6 - ຊ້າງນ້ອຍ ຄືນຟອມຖະຫຼົ່ມ ນ້ອງໃໝ່ ວຽງຈັນ 7-1 ເປບຊີ ລາວລີກ 1

ສ່ວນຜົນການແຂ່ງຂັນເຕະບານ ລາຍການ ຄອມມານໂດ ລາວລີກ 2, 6 ຄູ່ ໃນ 2 ວັນດັ່ງກ່າວ ກໍຄື ວັນເສົາທີ 8 ສິງຫາ ຜ່ານມາ ທີ່ສະໜາມບານເຕະ ຫ້ວຍຫົງ ຄູ່ທີ 1 ກອງທັບ ເອັບຊີ ຖະຫລົ່ມ ເຄພິເອັດ ເອັບຊີ 4-0 ປະຕູ, ຄູ່ທີ 2 ນະຄອນຫຼວງ ເອັບຊີ ຫລົ່ມທີມມ້າມືດ ເຮດບີທີ 941 ເອັບຊີ ທີ່ຟອມມາແຮງ ຊະນະ 2 ນັດ ລວດ ຜ່ານມາ ເຖິງ 4-1 ປະຕູ ແລະ ຄູ່ທີ 3 ວຽງຈັນ ຢູໄນເຕັດ ຊະນະ ກາຣູດາ 369 ເອັບຊີ 3-1 ປະຕູ ຂະນະທີ່ ວັນອາທິດ ທີ 9 ສິງຫາ 2020 ທີ່ສະໜາມບານເຕະ ຫ້ວຍຫົງ ຄູ່ທີ 1 ເສີກສາຍເລືອດໃນສາຍວິຊາຊີບ ສະໂມສອນ ວິທະຍາໄລ ລາວ-ທ໋ອບ ເອັບຊີ ຖະຫູົ່ມເອົາຊະນະ ສະໂມສອນ ວິທະຍາໄລ ເຄຣສ໌ ຢູໄນເຕັດ 4-1 ປະຕູ, ຄູ່ທີ ເມືອງຫາດ ຢູໄນເຕັດ ຖະຫຼົ່ມ ບີແກນ ຢູໄນເຕັດ 4-0 ປະຕູ ແລະ ຄູ່ທີ 3 ທີ່ສະໜາມກິລາແຫ່ງຊາດ (ຫຼັກ16) ສະໂມສອນ ເອັດທີທີ ເອັບຊີ ຖະຫຼົ່ມເອົາຊະນະ ເອັດອີຊີ ຢູໄນເຕັດ 6-0 ປະຕູ.

- 117066591 2971653596297681 6490605530442637108 o - ຊ້າງນ້ອຍ ຄືນຟອມຖະຫຼົ່ມ ນ້ອງໃໝ່ ວຽງຈັນ 7-1 ເປບຊີ ລາວລີກ 1 - 117234469 2968665753263132 3112123567406860240 o - ຊ້າງນ້ອຍ ຄືນຟອມຖະຫຼົ່ມ ນ້ອງໃໝ່ ວຽງຈັນ 7-1 ເປບຊີ ລາວລີກ 1 - 117308057 2968824429913931 2969259258393523817 o - ຊ້າງນ້ອຍ ຄືນຟອມຖະຫຼົ່ມ ນ້ອງໃໝ່ ວຽງຈັນ 7-1 ເປບຊີ ລາວລີກ 1 - 117444325 2971578599638514 7971152899637525861 o - ຊ້າງນ້ອຍ ຄືນຟອມຖະຫຼົ່ມ ນ້ອງໃໝ່ ວຽງຈັນ 7-1 ເປບຊີ ລາວລີກ 1