ແອັດມາດຣິກງານເຂົ້າ..! ແພດຢືນຢັນກວດພົບນັກເຕະ 2 ຄົນຕິດເຊື້ອໂຄວິດ-19
August 10, 2020 - 11:50 AM
ຕາມການລາຍງານຂອງສຳນັກຂ່າວຕ່າງປະເທດໃຫ້ຮູ້ວ່າ: ສະໂມສອນແອັດເລຕິໂກ ມາດຣິກ ແຈ້ງຂ່າວວ່າມີສະມາຊິກໃນທີມຂອງຕົນ 2 ຄົນຕິດເຊື້ອໄວຣັສໂຄວິດ-19 ກ່ອນໜ້າເກມຢູຟ້າແຊ້ມປ້ຽນລີກ, ສ່ວນຄູຝຶກຂອງທີມ ດິເອໂກ້ ຊິເມໂອ້ນ່ ກໍາລັງກຽມຄວາມພ້ອມກ່ອນລົງແຂ່ງຂັນຢູຟ້າແຊ້ມປ້ຽນລີກຮອບກ່ອນຮອງຊະນະເລີດທີ່ພົບກັບ ແອເບ ລາມຊິກ ໃນວັນທີ່ 13 ສິງຫານີ້.
ພ້ອມດຽວກັນນັ້ນທາງສະໂມສອນບໍ່ໄດ້ແຈ້ງລາຍຊື່ວ່າ 2 ນັກເຕະທີ່ຕິດເຊື້ອແມ່ນໃຜ ແລະ ໄດ້ເຂົ້າຮັບການກວດ,ປິ່ນປົວຕາມມາດຕະຖານຂອງສະຫະພັນບານເຕະເອີຣົບກຳໜົດເອົາໄວ້, ດ້ວຍເຫດການນີ້ເຮັດໃຫ້ 2 ນັກເຕະດັ່ງກ່າວຕ້ອງໄດ້ປິ່ນປົວ,ກັກບໍລິເວນຢູ່ເຮືອນ ແລະ ໄດ້ຄົ້ນປະຫວັດຫາຄົນໃກ້ຊິດ,ພາຍໃນທີມທີ່ເຫຼືອຕາມຫຼັງຢ່າງເຂັ້ມງວດ.
