ບັນດາລັດຖະມົນຕີການຕ່າງປະເທດອາຊຽນອກຖະແຫຼງການຮ່ວມ ກ່ຽວກັບເຫດການລະເບີດຄັ້ງໃຫ່ຍຢູ່ທີ່ ເບຣູດ

ອີງຕາມແຫຼ່ງຂ່າວຈາກ thanhnien ຂອງຫວຽດນາມ, ວັນທີ 10 ສິງຫາໃຫ້ຮູ້ວ່າ: ພາຍຫຼັງໄດ້ຮັບຂ່າວວ່າ: ເກີດເຫດລະເບີດຄັ້ງໃຫ່ຍຢູ່ທີ່ນະຄອນ ເບຣູດ ນະຄອນຫຼວງຂອງ ເລບານອນ ເມື່ອວັນທີ 4 ສິງຫາຜ່ານມາ ຊຶ່ງສ້າງຄວາມເສຍຫາຍອັນໃຫ່ຍຫຼວງ. ໂດຍອີງຕາມສະເໜີຂອງຫວຽດນາມ, ວັນທີ 9 ສິງຫາ ບັນດາລັດຖະມົນຕີການຕ່າງປະເທດ ອາຊຽນໄດ້ອອກຖະແຫຼງການຮ່ວມ.

ບັນດາລັດຖະມົນຕີການຕ່າງປະເທດ ອາຊຽນໄດ້ສະແດງຄວາມເຫັນອົກເຫັນໃຈ ແລະ ແບ່ງຄວາມເສົ້າໂສກເສຍໃຈກັບລັດຖະບານ ແລະ ປະຊາຊົນ ເລບານອນ ຢ່າງສຸດຊຶ້ງ, ຕໍ່ຄອບຄົວຂອງຜູ້ເຄາະຮ້າຍ ແລະ ທຸກຄົນທີ່ໄດ້ຮັບຜົນກະທົບໃນຄັ້ງນີ້.

ອາຊຽນໄດ້ສະແດງຄວາມສາມັກຄີກັບເລບານອນ ແລະ ມີຄວາມຫວັງວ່າລັດຖະບານ ແລະ ປະຊາຊົນເລບານອນ ຈະພົ້ນໄພດັ່ງກ່າວໂດຍໄວ ເພື່ອຟື້ນຟູຊີວິດການເປັນຢູ່ໃຫ້ກັບຄືນປົກກະຕິ.

ຕໍ່ກັບພົນລະເມືອຂອງບາງປະເທດອາຊຽນທີ່ເສຍຊີວິດ, ບາດເຈັບ ແລະ ຫານສາບສູນ ໃນເຫດການຄັ້ງນີ້, ບັນດາລັດຖະມົນຕີອາຊຽນໃຫ້ຄຳໝັ້ນສັນຍາວ່າຈະໃຫ້ການຊ່ວຍເຫຼືອແກ່ພົນລະເຮືອນອາ9ຍນທີ່ຢູ່ໃນເລບານອນ  ຊຶ່ງສອດຄ່ອງກັບຂໍ້ຕົກລົງຂອງອາ9ຍນທີ່ມີຢູ່ໃນປັດຈຸບັນ.

ຂ່າວ: ລູກເມືອງພວນ.