ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວປະກາດການສັບຊ້ອນກົງຈັກການຈັດຕັ້ງຫລາຍກົມກອງ
ແລງວັນທີ 7 ສິງຫານີ້, ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ໄດ້ປະກາດການສັບຊ້ອນກົງຈັກການຈັດຕັ້ງໃນຫລາຍກົມກອງສຳຄັນຄື: ຫ້ອງການ, ກົມຮ່ວມມືສາກົນ, ກົມສິລະປະການສະແດງ, ກົມໂຄສະນາການທ່ອງທ່ຽວ, ກົມຮູບເງົາ, ໜັງສືພິມປະຊາຊົນ, ສະຖາບັນສື່ມວນຊົນ, ວັດທະນະທຳ ແລະ ທ່ອງທ່ຽວ, ສະຖາບັນວິຈິດສິນແຫ່ງຊາດ, ສຳນັກຂ່າວສານປະເທດລາວ.
ມອບ-ຮັບຜູ້ອຳນວຍການໃຫຍ່ສຳນັກຂ່າວສານປະເທດລາວ
ຕາມດຳລັດຂອງນາຍົກລັດຖະມົນຕີ ສະບັບເລກທີ 430, 432, 433, 434 ແລະ 435/ນຍ, ລົງວັນທີ 20 ກໍລະກົດ 2020 ວ່າດ້ວຍການແຕ່ງຕັ້ງຕໍາແໜ່ງບໍລິຫານປະເພດ 2 ຂັ້ນ ຫົວໜ້າກົມ ແລະ ທຽບເທົ່າກົມຄື:
ມອບ-ຮັບຜູ້ອຳນວຍການສະຖາບັນວິຈິດສິນແຫ່ງຊາດ
- ທ່ານ ວັນໄຊ ຕະວິນຍານ ເປັນຫົວໜ້າບັນນາທິການໃຫຍ່ໜັງສືພິມປະຊາຊົນ.
- ທ່ານ ສົມສະຫວາດ ພົງສາ ເປັນຫົວໜ້າກົມສື່ມວນຊົນ.
- ທ່ານ ຄຳເພົ້າ ວັນນະວົງ ເປັນຫົວໜ້າກົມຮູບເງົາ.
- ທ່ານ ນາງ ດາລານີ ພົມມະວົງສາ ເປັນຫົວໜ້າກົມຄຸ້ມຄອງການທ່ອງທ່ຽວ.
- ທ່ານ ຄຳສຸກ ແກ້ວວົງຊາຍ ເປັນຜູ້ອຳນວຍການສະຖາບັນວິຈິດສິນແຫ່ງຊາດ.
- ທ່ານ ຄຳເຜີຍ ພິລາພາ ເປັນຜູ້ອຳນວຍການໃຫຍ່ສຳນັກຂ່າວສານປະເທດລາວ.
ມອບ-ຮັບຫົວໜ້າກົມສື່ມວນຊົນ
ແລະ ດຳລັດຂອງນາຍົກລັດຖະມົນຕີ ວ່າດ້ວຍການອະນຸມັດໃຫ້ພະນັກງານອອກພັກການ-ຮັບບຳນານມີຄື:
- ທ່ານ ບຸນເລື່ອນ ບຸບຜາ ຫົວໜ້າກົມຮ່ວມມືສາກົນ.
- ທ່ານ ປິ່ນປາຖະໜາ ພັນທະມາລີ ກຳມະການພັກກະຊວງ, ຫົວໜ້າກົມສື່ມວນຊົນ.
- ທ່ານ ຄຳພວງ ອິນທະວົງສີ ກຳມະການພັກກະຊວງ, ຫົວໜ້າກົມສິລະປະການສະແດງ.
- ທ່ານ ສູນ ມະນີວົງ ກຳມະການພັກກະຊວງ, ຫົວໜ້າກົມໂຄສະນາການທ່ອງທ່ຽວ.
- ທ່ານ ວິທູນ ສູນດາລາ ຫົວໜ້າກົມຮູບເງົາ.
- ທ່ານ ດວງຈິດ ສະຫວັດບຸນມີ ກຳມະການພັກກະຊວງ, ຫົວໜ້າບັນນາທິການໜັງສືພິມປະຊາຊົນ.
- ທ່ານ ວິໄລທອງ ສີຊານົນ ຫົວໜ້າສະຖາບັນສື່ມວນຊົນ, ວັດທະນະທຳ ແລະ ທ່ອງທ່ຽວ.
- ທ່ານ ໄມ່ສິງ ຈັນບຸດດີ ກຳມະການພັກກະຊວງ, ຫົວໜ້າສະຖາບັນວິຈິດສິນແຫ່ງຊາດ.
- ທ່ານ ສູນທອນ ຄັນທະວົງ ກຳມະການພັກກະຊວງ, ຜູ້ອຳນວຍການສຳນັກຂ່າວສານປະເທດລາວ.
- ທ່ານ ຕ່ວນ ມວນຈັນ ກຳມະການພັກກະຊວງ, ຫົວໜ້າອຳນວຍການໂຮງຮຽນສິລະປະແຫ່ງຊາດ.
ພ້ອມນີ້ ກໍມີຂໍ້ຕົກລົງຂອງລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ວ່າດ້ວຍການແຕ່ງຕັ້ງລັດຖະກອນຮັບໜ້າທີ່ໃໝ່ຄື:
ມອບ-ຮັບຜູ້ວ່າການຫົວໜ້າຫ້ອງການ
- ທ່ານ ບົວໄລ ພານຸວົງ ຮອງຫົວໜ້າຫ້ອງການ ເປັນຜູ້ວ່າການຫົວໜ້າຫ້ອງການ.
- ທ່ານ ຄຳພັນ ພົນທອງສີ ຜູ້ອຳນວຍການຫໍວັດທະນະທຳແຫ່ງຊາດ ເປັນຜູ້ວ່າການຫົວໜ້າກົມສິລະປະການສະແດງ.
- ທ່ານ ຄົມ ດວງຈັນທາ ຮອງຫົວໜ້າກົມຮ່ວມມືສາກົນ ເປັນຜູ້ວ່າການຫົວໜ້າກົມໂຄສະນາການທ່ອງທ່ຽວ.
- ທ່ານ ຄຳຫລ້າ ຍອຍສາຍຄຳ ຮອງຫົວໜ້າສະຖາບັນສື່ມວນຊົນ, ວັດທະນະທຳ ແລະ ທ່ອງທ່ຽວ ເປັນຜູ້ວ່າການຫົວໜ້າສະຖາບັນສື່ມວນຊົນ, ວັດທະນະທຳ ແລະ ທ່ອງທ່ຽວ.
- ທ່ານ ນາງ ວັນສີ ຈະເລີນສຸກ ຫົວໜ້າກອງລະຄອນຕຸກກະຕາແຫ່ງຊາດ ໄປເປັນຮອງຫົວໜ້າກົມສິລະປະການສະແດງ.
- ທ່ານ ວຽງພອນ ສຸກຂະວົງ ຫົວໜ້າພະແນກຄຸ້ມຄອງປ້າຍ ແລະ ສວນສາທາລະນະ ສັງກັດກົມວັດທະນະທຳມະຫາຊົນ ເປັນຜູ້ອຳນວຍການໂຮງຮຽນສິລະປະແຫ່ງຊາດ.
