ນະຄອນໂຮ່ຈິມິນ ເປີດຕູ້ ATM ໜ້າກາກອະນາໄມ ຟຣີ

ຂ່າວຈາກ Zing news ຂອງຫວຽດນາມໃຫ້ຮູ້ວ່າ: ວັນທີ 6 ສິງຫານີ້, ນະຄອນໂຮ່ຈິມິນ ໄດ້ເປີດຕູ້ ATM ເພື່ອບໍລິການໜ້າກາກອະນາໄມໃຫ້ປະຊາຊົນ. ໃນຕູ້ດັ່ງກ່າວຕິດປ້າຍແນະນຳໄວ້ວ່າ:

1. ເມື່ອຍ່າງເຂົ້າໄປເຖິງເສັ້ນແດນຢູ່ຕໍ່ໜ້າຕູ້ແລ້ວ ຕ້ອງໄດ້ລ້າງມືດ້ວຍເຈວຂ້າເຊື້ອກ່ອນ.
2. ຍ່າງເຂົ້າໄປໃກ້ກັບຕູ້ ATM
3. ຈ້ອງຕາໃສ່ ກ້ອງຖ່າຍຮູບພາບ
4. ໜ້າກາກອະນາໄມຈະໄຫຼອອກມາທັນທີ

ແລະທັງມີຄຳແນະນຳວ່າ: ຜູ້ໜຶ່ງໆສາມາດເອົາໄດ້ແຕ່ 1 ອັນເທົ່ານັ້ນ ແລະ ຮັກສາໄລຍະຫ່າງກັນ 2 ແມດ. ເລວາໃຫ້ການບໍລິການແມ່ນແຕ່ 10:00 ໂມງ – 16:00 ໂມງ. ຊຶ່ງພະນັກງານຮັບຜິດຊອບຕູ້ ATM ນັ້ນຈະຕ້ອງເຕີມເຕັມໜ້າກາກອະນາໄມຢູ່ຕະຫຼອດເວລາ ແລະ ມີຄຳຂວັນຕິດໄວ້ວ່າ: “ຮ່ວມແຮງຮ່ວມໃຈຕ້ານໄພໂຄວິດ-19”

ຂ່າວ: ລູກເມືອງພວນ