ຕິດເກາະກາງມະຫາສະໝຸດລອດຕາຍເຫລືອເຊື່ອ ຂຽນ SOS ຢູ່ຫາດ
ເກາະແຫ່ງນີ້ຢູ່ກາງມະຫາສະໝຸດປາຊີຟິກທີ່ຫ່າງໄກຈາກແຜ່ນດິນອື່ນໆ ຈົນບໍ່ອາດຈະບິນໄປພົບງ່າຍໆ.
ລູກເຮືອສາມຄົນຊາວພາກພື້ນໄມໂຄຣນີເຊຍຕິດຢູ່ເກາະນ້ອຍໆໃນມະຫາສະໝຸດປາຊີຟິກຕາເວັນຕົກທີ່ຫ່າງໄກໄດ້ຮັບການຊ່ວຍເຫລືອ ຫລັງຈາກເຮືອບິນຮົບຂອງອົດສະຕຣາລີ ແລະ ອາເມລິກາ ຫລັງຈາກທີມຊ່ວຍເຫລືອແນມເຫັນຕົວອັກສອນ “SOS” ຂະໜາດໃຫຍ່ທີ່ພວກເຂົາຂຽນຢູ່ຫາດຊາຍ.
ກອງກຳລັງປ້ອງກັນປະເທດອົດສະຕຣາລີກ່າວວ່າ: ພົບຜູ້ຕິດເກາະໃນວັນທີ 2 ສິງຫາ ຢູ່ເກາະພິກິລອດ (Pilelos Island) ເກາະນ້ອຍໆກາງມະຫາສະໝຸດປາຊີຟິກທີ່ຫ່າງໄກຈາກແຜ່ນດິນອື່ນໆຈົນບໍ່ອາດຈະໄປພົບງ່າຍໆ. ລູກເຮືອເຫລົ່ານີ້ລອຍມາຄ້າງຢູ່ເກາະຫ່າງຈາກຈຸດທີ່ພວກເຂົາອອກເດີນທາງເມື່ອສາມມື້ກ່ອນປະມານ 190 ກິໂລແມັດ.
ເຮືອຍາວ 7 ແມັດຂອງຄົນເຫລົ່ານີ້ຂີ່ອອກນອກເສັ້ນທາງຈົນນ້ຳມັນໝົດ ເຮັດໃຫ້ຕ້ອງຫລົງຢູ່ກາງທະເລກວ້າງໃຫຍ່, ເຖິງວ່າພາກພື້ນໄມໂຄຣນີເຊຍຈະມີເກາະເຖິງ 600 ກວ່າແຫ່ງ ແຕ່ລະແຫ່ງຢູ່ຫ່າງກັນ.
ເຖິງຢ່າງໃດກໍຕາມ ເມື່ອໄດ້ຮັບການແຈ້ງເຕືອນຈາກສູນຊ່ວຍເຫລືອ ແລະ ປະສານງານປາຊີຟິກໃນກວມ ເຮືອບິນທະຫານອາເມລິກາ ແລະ ອົດສະຕຣາລີເຂົ້າຮ່ວມຄົ້ນຫາເຮືອທີ່ຫາຍໄປ ແລະ ເຫັນຂໍ້ຄວາມ SOS ຂອງພວກເຂົາໃນວັນທີ 2 ສິງຫາ.
ເຮລິກົບແຕທີ່ສົ່ງມາຈາກເຮືອບິນ HMAS Canberra ຂອງອົດສະຕຣາລີບິນໄປຮັບ ພ້ອມດ້ວຍອາຫານ ແລະ ນ້ຳ ແລະ ພົບວ່າຊາຍທັງສາມຄົນຢູ່ໃນສະພາບດີ.
ກອງກຳລັງປ້ອງກັນປະເທດອົດສະຕຣາລີ ກ່າວວ່າ: ກອງເຮືອລາດຕະເວນໄມໂຄຣນີເຊຍຖືກສົ່ງໄປຊ່ວຍຊີວິດພວກເຂົາແລ້ວ.
