ຫລາຍບ້ານໃນເມືອງບໍລິຄັນປະສົບໄພນ້ຳຖ້ວມ

ຫ້ອງວ່າການເມືອງບໍລິຄັນ ແຂວງບໍລິຄຳໄຊ ລາຍງານໃຫ້ຮູ້ເບື້ອງຕົ້ນວ່າ: ກ່ອນໜ້ານີ້ໄດ້ເກີດມີຝົນຕົກໜັກຕິດຕໍ່ກັນ 3-4 ມື້,  ເຊິ່ງນັບແຕ່ ວັນທີ 1-5 ສິງຫານີ້ໄດ້ເຮັດໃຫ້ສາຍນ້ໍາຊັນ; ນໍ້າລາດ, ນໍ້າໝາງ ແລະ ນ້ໍາປາງຍຶ່ງຂຶ້ນສູງໄຫລຖ້ວມເທດສະບານເມືອງບໍລິຄັນ ແລະ ບ້ານເຮືອນປະຊາຊົນສ່ວນໜື່ງໃນເຂດພື້ນທີ່ຕ່ຳທີ່ຢູ່ລຽບຝັ່ງແມ່ນ້ຳດັ່ງກ່າວຄື:

ບ້ານວັດທາດ, ນາແຫນ, ຫາດດອນຄູນ, ຫາດໂພ, ໂພນຂາມ, ທົ່ງພັນຄຳ, ກົກໂພ ໄດ້ສົ່ງຜົນກະທົບຕໍ່ລະບົບໄຟຟ້າ, ນ້ຳປະປາ ແລະ ພື້ນຖານໂຄງລ່າງດ້ານສາທາລະນະ,ໄຮ່ນາ,ຮົ້ວສວນ ແລະ ສັດລ້ຽງຈຳນວນໜື່ງ ເຮັດໃຫ້ປະຊາຊົນຢູ່ເຂດນ້ຳຖ້ວມຂາດແຄນນ້ຳກິນ ແລະ ເຂົ້າສານອາຫານແຫ້ງ.   ເຊິ່ງປັດຈຸບັນອຳນາດການປົກຄອງທ້ອງຖິ່ນໄດ້ເລັ່ງຊ່ວຍເຫລືອສຸກເສີນຢ່າງຮີບດ່ວນ.