ຫລັກການກິນໝາກກ້ວຍແທນຢາ
June 22, 2017 - 10:54 AM
- ອາການຍື່ງທ້ອງ ແລະ ຖ່າຍຍາກ : ໝາກກ້ວຍອຸດົມໄປດ້ວຍເພັກຕິນ (pectin) ຫລື ຄາໂບໄຮເດຣດທີ່ມີນຳ້ໜັກໂມເລກຸນສູງ, ພົບຫລາຍໃນພືດ ແລະ ໝາກໄມ້ສຸກທີ່ຊ່ວຍເລັ່ງການຍ່ອຍອາຫານ ແລະ ກະຕຸ້ນການໄລ່ສານພິດ ແລະ ໂລຫະໜັກອອກຈາກຮ່າງກາຍ, ຍິ່ງໄປກ່ວານັ້ນຍັງເຮັດໜ້າທີ່ເປັນຈຸລິນຊີຊ່ວຍກະຕຸ້ນການເຮັດວຽກຂອງລຳໄສ້. ປັດໄຈຕ່າງໆເຫລົ່ານີ້ຈະໄປຊ່ວຍຫລຸດອາການຍື່ງທ້ອງ. ຂະນະດຽວກັນ ໝາກກ້ວຍຍັງໄປກະຕຸ້ນການເຮັດວຽກຂອງລຳໄສ້ ແລະ ເປັນຢາລະບາຍແກ່ຜູ້ທີ່ມີບັນຫາຖ່າຍຍາກ.
- ຄວາມເຄັ່ງຄຽດ : ແມ່ນອາການອັນເປັນທີ່ນິຍົມຂອງຄົນປະຈຸບັນ ເຊິ່ງສົ່ງຜົນໂດຍກົງຕໍ່ສຸຂະພາບ ໂດຍຄວາມເຄັ່ງຄຽດຈະ ໄປເລັ່ງຂະບວນການເຜົາຜານອາຫານ ປະກອບດ້ວຍໂປຕັດຊຽມໃນປະລິມານທີ່ພຽງພໍທີ່ຈະເຮັດໃຫ້ອັດຕາການເຕັ້ນຂອງຫົວໃຈ ກັບເຂົ້າສູ່ສະພາບປົກກະຕິ ຈາກນັ້ນກໍຈະສົ່ງອົກຊີແຊນໄປຍັງສະໝອງ ແລະ ຄວບຄຸມປະລິມານນ້ຳໃນຮ່າງກາຍໃຫ້ຢູ່ໃນລະດັບທີ່ ເໝາະສົມ.
- ຄວາມດັນເລືອດ : ເປັນທີ່ຮູ້ກັນດີວ່າການໄດ້ຮັບໂຊດຽມໃນປະລິມານຫລາຍເກີນໄປ ແລະ ການໄດ້ຮັບໂປຕັສຊຽມຕໍ່າເກີນໄປ ຈະສົ່ງຜົນຮ້າຍຕໍ່ຄວາມດັນເລືອດ ເພາະການໄດ້ຮັບໂປຕັສຊຽມໃນປະລິມານທີ່ເໝາະສົມເປັນເລື່ອງສຳຄັນຫລາຍ ເຊິ່ງໂປຕັສຊຽມທີ່ເໝາະສົມຫາໄດ້ໃນໝາກກ້ວຍ, ທຸກໆເຊົ້າແນະນຳໃຫ້ກິນໝາກກ້ວຍ 1 ໜ່ວຍ ຈະຊ່ວຍຮັກສາລະດັບຄວາມດັນເລືອດຂອງຮ່າງກາຍໃຫ້ຢູ່ໃນລະດັບປົກກະຕິ.
- ອາການປວດເກັງຢ່າງຜິດປົກກະຕິຂອງມົດລູກກ່ອນເປັນປະຈຳເດືອນ : ໝາກກ້ວຍອຸດົມໄປດ້ວຍວິຕາມິນ B6 ທີ່ມີປະໂຫຍດຕໍ່ລະດັບນ້ຳຕານກລູໂກສໃນເລືອດ ແລະ ຫລາຍວຽກງານວິໄຈພິສູດແລ້ວວ່າວິຕາມິນ B6 ມີສ່ວນຊ່ວຍຫລຸດອາການປວດເກັງຢ່າງຜິດປົກກະຕິຂອງມົດລູກກ່ອນເປັນປະຈຳເດືອນ ຫລື PMS ແລະ ຍັງຊ່ວຍຫລຸດອາການເຈັບທ້ອງນ້ອຍ ແລະ ໜ້າເອິກ ລວມເຖິງຫລຸດການປ່ຽນແປງທາງອາລົມ ແລະ ປັບລະດັບການສະສົມນ້ຳໜັກໃນຮ່າງກາຍໃຫ້ຢູ່ສະພາບເໝາະສົມ.
- ອາການຊຶມເສົ້າ : ທຣິບໂຕເຟນ ກົດອະມິໂນທຳມະຊາດທີ່ຈຳເປັນຊະນິດໜຶ່ງຂອງຮ່າງກາຍ ມີຢູ່ໃນໝາກກ້ວຍ ໂດຍຈະຊ່ວຍກະຕຸ້ນການຫລັ່ງຮໍໂມນເຊໂຣໂທນິນ ເຊິ່ງໝາກກ້ວຍ 1 ໜ່ວຍກໍພຽງພໍທີ່ຈະຕື່ມລະດັບຮໍໂມນເຊໂຣໂທນິນ ອັນເປັນຮໍໂມນທີ່ຈະເຮັດໃຫ້ຮູ້ສຶກສະຫງົບ ແລະ ມີຄວາມສຸກ.
