ຟີລີບປີນຈະສະຫນອງເງີນຊ່ວຍເຫຼືອປະຊາຊົນຜູ້ມີລາຍຮັບຕຳ່ຢ່າງເຕັມທີ່

ຂ່າວຕ່າງປະເທດໃຫ້ຮູ້ໃນວັນທີ 3 ສິງຫານີ້ວ່າ: ປະທານາທິບໍດີ ດູເຕີເຕ(Duterte) ກ່າວເມື່ອວັນທີ 2 ສິງຫານີ້ວ່າ: “ຖ້າຫາກປິດປະຕູນະຄອນມານີລາ, ເຂດອື່ນ ທົ່ວທັງປະເທດ ຟີລີບປິນ ຈະບໍ່ມີການແຜ່ລະບາດຂອງພະຍາດອີກ ແຕ່ບັນຫາກໍຄືວ່າ ພວກເຮົາບໍ່ມີເງິນ. ຂ້າພະເຈົ້າບໍ່ສາມາດຈະຕອບສະໜອງທັນຍາຫານ ແລະ ເງິນໃຫ້ປະຊາຊົນໄດ້ອີກແລ້ວ”.

ກົດໝາຍ Bayanihan to Heal as One Act ໃຫ້ສິດອຳນາດແກ່ປະທານາທິບໍດີ ຟີລີບປິນ ດູເຕີເຕ ມີສິດອຳນາດໃນການຕອບສະໜອງເງິນຊ່ວຍເຫຼືອແຕ່ 5.000 – 8.000 ເປໂຊ(peso ສະກຸນເງິນຟີລີບປິນ) ໃຫ້ຄອບຄົວທີ່ມີລາຍຮັບຕໍ່າ, 2 ເດືອນ/ 1 ຄັ້ງ ເພື່ອປົວແປງຊີວິດການເປັນຢູ່ ແລະ ມີປະມານ 18 ລ້ານຄອບຄົວທີ່ຕົກຢູ່ໃນກໍລະນີດັ່ງກ່າວ.

ຄາດວ່າໄລຍະທີສອງຂອງໂຄງການດັ່ງກ່າວຈະມີ 8,5 ລ້ານຄອບຄົວຍັງບໍ່ທັນໄດ້ຮັບການຊ່ວຍເຫຼືອຈາກໄລຍະທີໜຶ່ງ ແລະ ກໍແມ່ນກຸ່ມທີ່ນອນຢູ່ໃນເຂດຮັກສາໄລຍະຫ່າງທາງສັງຄົມ ເພື່ອສະກັດກັ້ນການແຜ່ລະບາດຂອງພະຍາດໂຄວິດ-19.

ເຖິງຢ່າງໃດກໍຕາມ, ເມື່ອວັນທີ 29 ກໍລະກົດຜ່ານມາ ກະຊວງພັດທະນາສັງຄົມສົງເຄາະ ຟີລີບປິນໃຫ້ຮູ້ວ່າ: ມີປະມານ 6,9 ລ້ານຄົນຢູ່ໃນເປົ້າໝາຍຊ່ວຍເຫຼືອຄັ້ງທີສອງນັ້ນໄດ້ຮັບການຊ່ວຍເຫຼືອແລ້ວ.

ຂ່າວ: ລູກເມືອງພວນ(ແຫຼ່ງຂ່າວ vov)