ກົດໃໝ່ FA ຖ້າເຈດຕະນາ ໄອ ຫຼື ຈາມ ອາດຖືກໃບແດງ..!

ສະມາຄົມບານເຕະອັງກິດ ຫຼື FA ໄດ້ອອກກົດກະຕິກາໃໝ່ຖ້ານັກກີລາຄົນໃດເຈດຕະນາ ໄອ ຫຼື ຈາມ ໃສ່ຄູ່ເເຂ່ງອາດຈະຖືກໃບແດງໂດຍກົງ, ຕາມການລາຍງານຂອງສຳນັກຂ່າວຕ່າງປະເທດໃຫ້ຮູ້ວ່າ: ກົດກະຕິກາໃໝ່ດັ່ງກ່າວນີ້ ຈະເລີ່ມໃຊ້ໃນລະດູການໜ້າ 2020-2021 ໂດຍຜູ້ຕັດສິນສາມາດໃຫ້ໃບແດງ ຫຼື ໃບເຫຼືອງ ໃຫ້ນັກກີລາ ເພາະ FA ເລັ່ງເຫັນວ່ານີ້ຄືຫົນທາງຂອງການແຜ່ເຊື້ອໄວຣັສໂຄວິດ-19.

ແຕ່ຢ່າງໃດກໍ່ຕາມ ການໃຊ້ກົດກະຕິກາໃໝ່ດັ່ງກ່າວນີ້ ກໍ່ຂື້ນກັບກຳມະການທີ່ຈະຕັດສິນໃນກໍລະນີນັກເຕະທີ່ ໄອ ຫຼື ຈາມ ຖ້າເຈດຕະນາກໍ່ຈະໃຫ້ໃບແດງທັນທີ່ ຫຼື ບໍ່ເຈດຕະນາ ກໍ່ໃຫ້ໃບເຫຼືອງ ແລະ ກ່າວເຕືອນນັກກີລາ, ຖ້າຫາກວ່ານັກກີລາໄດ້ໃບແດງ (ເຈດຕະນາໄອ,ຈາມ) ກໍ່ອາດຈະຖືກດຳເນີນຄະດີຕາມກົດໝາຍ ເນື່ອງຈາກວ່າປັດຈຸບັນ ການຈົງໃຈໄອ ຫຼື ຈາມໃສ່ຄູແຂ່ງຖືກຍົກລະດັບເປັນຄວາມຜິດທາງອາຍາຮຸ່ນແຮງເທົ່າກັບການທຳຮ້າຍຄູ່ເເຂ່ງ