ລຸຍ ຮາມິນຕັນ ຄວ້າແຊ້ມ (Formula 1) 3 ສະໜາມຕິດຕໍ່ກັນ
ການແຂ່ງຂັນລົດສູດ 1 ຟໍມູລ້າວັນ (Formula 1) ສະໜາມທີ 4 ຂອງປີ 2020 ລາຍການ ບຣິທິສ ກຣັງປີຣ (British Grand Prix) ທີ່ສະໜາມ ຊິວເວີ້ສະໂຕນ ເຊີກິດ ປະເທດອັງກິດ ມີຄວາມຍາວຕໍ່ຮອບ 5.891 ແມັດ ແຂ່ງທັງໝົດ 52 ຮອບ ໃນວັນທີ 2 ສິງຫາຜ່ານມາຜົນການແຂ່ງຂັນປະກົດວ່າ: ລຸຍ ຮາມິນຕັນ ທີ່ເປັນເເຊ້ມແຊ້ມເກົ່າ ນັກຂັບເຈົ້າພາບຈາກຄ້າຍ ເມີຊິເດັສ ອອກໂຕຄົນທໍາອິດ ເຖິງວ່າຈະມີບັນຫາລົດຢາງແຕກໃນຮອບທີ 51 ແຕ່ກໍສາມາດປະຄອງລົດຄູ່ໃຈເຂົ້າເສັ້ນໄຊເປັນຄົນທໍາອິດ ດ້ວຍເວລາໄດ້ 1 ຊົ່ວໂມງ 28 ນາທີ 1.283 ວິນາທີ,
ເພີ່ມສະຖິຕິຄວ້າແຊ້ມລາຍການນີ້ສູງສຸດສະໄໝທີ 7, ອັນດັບ 2 ເປັນຂອງ ແມັກ ເວີສະແຕັບເປິນ ຈາກຄ່າຍ ເຣດບູລ ເຣຊິງ ຕາມຫຼັງ 5.856 ວິນາທີ ພ້ອມກັບໄດ້ເພີ່ມ 1 ຄະແນນຈາກຜົນງານໄວສຸດຕໍ່ຮອບ, ອັນດັບ 3 ຊາວ ເລັກເລີ ຈາກຄ້າຍເຟີຣາຣີ້ ຕາມຫລັງ 18.474 ຂະນະທີ່ ເຊບັສຕຽນ ເວັດເທວ ຈົບອັນດັບ 10 ແລະ ວາວເຕີລີ້ ບັອສຕັສ ຈົບອັນດັບ 11.
ສະຫລຸບຄະແນນນັກຂັບ ຜ່ານໄປ 4 ສະໜາມ ອັນດັບ 1 ລຸຍ ຮາມິນຕັນ ມີ 88 ຄະແນນ, ນຳອັນດັບ 2 ວາວເຕີລີ້ ບັອສຕັສ ມີ 30 ຄະແນນ, ອັນດັບ 3 ແມັກ ເວີສະແຕັບເປິນ ມີ 52 ຄະແນນ.
ສ່ວນຄະແນນຜູ້ສ້າງ ອັນດັບ 1 ເມີຊີເດັສ ມີ 146 ຄະແນນ, ອັນດັບ 2 ເຣດບູລ ເຣຊິງ ມີ 78 ຄະແນນ, ອັນດັບ 3 ແມັກຄາເລນ ມີ 51 ຄະແນນ.
ສ່ວນສະໜາມທີ 5 ຈະແຂ່ງຢູ່ສະໜາມເກົ່າ ຊິວເວີ້ສະໂຕນ ເຊີກິດ ໃນວັນທີ 9 ສິງຫານີ້ ລາຍການ ເຊເວັນທີ ອັນນີເວີຊາຣີ້ ກຣັງປີຣ (70th Anniversary Grand Prix) ປະເທດອັງກິດ.
