ສະເທືອນວົງການບານສົ່ງພ້ອມເປັນເລື່ອງເສົ້າທີ່ໜ້າຄິດ..! ສາວບານສົ່ງຊາວເກົາຫຼີ ປິດຊີວິດຕົວເອງ ຫຼັງທົນແຮງກົດດັນຈາກສື່ສັງຄົມອອນລາຍບໍ່ໄຫວ

ຕາມການລາຍງານຂອງສຳນັກຂ່າວປະເທດໃຫ້ຮູ້ວ່າ: ເຈົ້າໜ້າທີ່ພົບສົບຂອງ ໂກ ຢູມິນ ອະດີດນັກບານສົ່ງຂອງສະໂມສອນ ອຸລຊານ ຮິລສະເຕດ ໃນລີກເກົາຫຼີໃຕ້ ທີ່ເສຍຊີວິດຢູ່ໃນບ້ານພັກຂອງຕົວເອງ, ໂດຍບໍ່ມີຮ່ອງຮອຍການຕໍ່ສູ້ໃດໆ ໃນຕອນເຊົ້າຂອງວັນທີ 1 ສິງຫາ 2020.

ເຈົ້າໜ້າທີ່ເຂົ້າກວດສອບສະຖານທີ່ເກີດເຫດ ຈົນໄດ້ພົບບັນທຶກທີ່ບອກເຖິງສາເຫດການຈົບຊີວິດຂອງຜູ້ກ່່ຽວ ຄືການຖືກວິຈານໃນສື່ສັງຄົມອອນລາຍ ຢ່າງໜັກເຖິງເລື່ອງຟອມການຫຼິ້ນທີ່ຕົກລົງໄປຢ່າງໜ້າຕົກໃຈ, ນອກຈາກນັ້ນ ຍັງຖືກທີມຄະນະຄູຝຶກຂອງທີມຮ້າຍດ່າຫຼາຍໆຄັ້ງ ຈົນເຮັດໃຫ້ລາວບໍ່ສາມາດຮັບແຮງກົດດັນທີ່ເກີດຂຶ້ນໄດ້ ແລະ ປະກາດເລີກຫຼິ້ນບານສົ່ງ ໃນໄລຍະເດືອນມີນາ ທີ່ຜ່ານມາຈົນຫຼ້າສຸດໄດ້ເສຍຊີວິດແລ້ວ.

ເຫດການດັ່ງກ່າວຖືເປັນຂ່າວເສົ້າໃນວົງການກີລາຂອງ ເກົາຫຼີໃຕ້ ຄັ້ງທີ 2 ໃນຮອບເດືອນກວ່າ ຫຼັງກ່ອນໜ້ານີ້ິ້ ຊອຍ ຊຸກຢອນ ນັກໂຕຣກິລາຂອງ ເກົາຫຼີໃຕ້ ໄດ້ຈົບຊີວິດຕົວເອງໄປກ່ອນໜ້າໃນວັນທີ 26 ມິຖຸນາ ທີ່ຜ່ານມາ ໂດຍເຫດຜົນທີ່ເຮັດໃຫ້ນັກເຕະຄົນກ່ອນໜ້ານີ້ເສຍຊີວິດ ຍ້ອນຖືກ ສະຫະພັນໄຕຣກິລານາໆຊາດ ສັ່ງຫ້າມລົງແຂ່ງຂັນຕະຫຼອດຊີວິດ.