ທຣຳ ຈະຫ້າມໃຊ້ TikTok ໃນສະຫະລັດ
ປະທານາທິບໍດີ ໂດນັລທຣຳ ຂອງສະຫະລັດອາເມລິກາ ເຜີຍວ່າ: ຈະຫ້າມໃຊ້ TikTok ແອັບພິເຄຊັນເຮັດຄລິບວີດີໂອຍອດນິຍົມຂອງຈີນໃນສະຫະລັດ ຕາມທີ່ທາງການກັງວົນວ່າແອັບນີ້ອາດຈະຕົກເປັນເຄື່ອງມືຂອງໜ່ວຍຂ່າວຂອງຈີນ.
ປະທານາທິບໍດີ ໂດນັລທຣຳ ຂອງສະຫະລັດອາເມລິກາ
ທຣຳ ເຜີຍກັບສື່ເທິງເຮືອບິນປະຈຳຕຳແໜ່ງ ແອຟອສວັນ ເມື່ອວັນທີ 31 ກໍລະກົດຜ່ານມານີ້ວ່າ: ຕາມທີ່ມີຄວາມກັງວົນເລື່ອງ TikTok ເຊິ່ງຈະຫ້າມໃຊ້ແອັບນີ້ໃນສະຫະລັດ, ໂດຍຈະດຳເນີນການທັນທີໃນວັນທີ 1 ສິງຫານີ້ດ້ວຍການໃຊ້ອຳນາດເສດຖະກິດສຸກເສີນ ຫລື ຄຳສັ່ງບໍລິຫານ.
ທ່ານ ເຄວິນ ເອ ໄມເອີ ປະທານເຈົ້າໜ້າທີ່ບໍລິຫານ (CEO) ຂອງ TikTok ແລະ ປະທານເຈົ້າໜ້າທີ່ປະຕິບັດການ (COO) ຂອງ ໄບແດນຊ໌
ກ່ອນໜ້ານີ້ໃນມື້ດຽວກັນມີຂ່າວວ່າ ທຣຳ ຈະຂໍໃຫ້ບໍລິສັດໃນສະຫະລັດທີ່ໃຫ້ບໍລິການ TikTok ແຍກຕົວອອກຈາກໄບແດນຊ໌ ທີ່ເປັນບໍລິສັດແມ່ໃນຈີນ ທ່ານ ເຄວິນ ເອ ໄມເອີ ນັກທຸລະກິດຊາວອາເມລິກາ ທີ່ເປັນປະທານເຈົ້າໜ້າທີ່ບໍລິຫານ (CEO) ຂອງ TikTok ແລະ ປະທານເຈົ້າໜ້າທີ່ປະຕິບັດການ (COO) ຂອງ ໄບແດນຊ໌ ເຜີຍແຜ່ເມື່ອບໍ່ດົນມານີ້ວ່າ TikTok ບໍ່ແມ່ນບໍລິສັດການເມືອງ ບໍ່ເຄີຍຮັບໂຄສະນາທາງການເມືອງ ແລະ ບໍ່ມີວາລະລີ້ລັບ, ວັດຖຸປະສົງດຽວຂອງບໍລິສັດຄືເປັນບ່ອນໃຫ້ທຸກຄົນໄດ້ມ່ວນຊື່ນ. ບໍລິສັດຕົກລົງເປັນເປົ້າໝາຍຫລ້າສຸດ ແຕ່ຢືນຢັນວ່າບໍ່ແມ່ນສັດຕູ.
