juventus ເປີດຕົວຊຸດແຂ່ງລະດູການໃໝ່ ພ້ອມໃສ່ລົງແຂ່ງຂັນນັດທ້າຍລະດູການນີ້
July 31, 2020 - 2:10 PM
ຢູເວນຕຸສ ທີມແຊ້ມກັນໂຊຊີເລອາ ອີຕາລີ ລະດູການຫຼ້າສຸດ ໄດ້ມີການເປີດຕົວຊຸດແຂ່ງໃໝ່ສະໄຕລ໌ ຄາດສິກທັນສະໄໝ,ລະດູການ 2020-2021 ຢ່າງເປັນທາງການ ໂດຍພາຍໃຕ້ການອອກແບບໃນແນວທາງຂອງ ADIDAS ຜະລິດຕະພັນທີເປັນຜູ້ສະໜັບສະໜູນ.
ສຳຫຼັບລວດລາຍຍັງເປັນສີຂາວ ຕັດດ້ວຍລາຍທາງສີດໍາປະຈຳສະໂມສອນ ແຕ່ຕົວລາຍທາງນັ້ນສະລັບສີຂາວສວຍງາມ ຕັດດ້ວຍໂລໂກ້ສະໂມສອນ ແລະ ກາ ADIDAS ສີທອງ ເຮັດໃຫ້ໂດດເດັ່ນສວຍງາມ ຂະນະທີ່ ໂສ້ງຍັງຄົງເປັນສີດໍາຄືເກົ່າ
ການເປີດຕົວຊຸດໃໝ່ຄັ້ງນີ້ນໍາໂດຍ ຄິດຕຽນໂນ ໂຣນັລໂດ, ເປົາໂລ ດີບາລາ, ມັດໄທສ໌ ເດິ ລິກ,ຈໍໂຈ້ເອລລິນີ ແລະ ນັກເຕະພາຍໃນທີມ ມາເປັນນາຍແບບເປີດຕົວຊຸດແຂ່ງຄັ້ງນີ້
ພ້ອມດຽວກັນນັ້ນ ຊຸດລະດູການໃໝ່ນີ້ ຢູເວນຕຸສ ຈະໃສ່ລົງສະໜາມຄັ້ງທໍາອິດ ໃນນັດການແຂ່ງຂັນກັນໂຊ ຊີເລອາ ອິຕາລີ ນັດສຸດທ້າຍຂອງລະດູການນີ້ (2019-2020) ທີ່ຈະພົບກັບ ໂຣມາ ໃນທ້າຍອາທິດນີ້.
Photo: juventus
