ເມື່ອຢາງກາຍເປັນອາຫານປາ

ໂດຍ: ມຶກບໍ່ແຫ້ງ

ການສຶກສາທີ່ໃໝ່ອ່ຽມໄດ້ ເຜີຍວ່າປາທີ່ອາໄສຢູ່ແມ່ນໍ້າຂອງກຳລັງກິນຖົງຢາງເປັນອາຫານ ເຊິ່ງເຂົ້າໃຈກັນວ່າຜູ້ຄົນຂົງເຂດນີ ກໍອາໄສປາທີ່ຢູ່ແມ່ນໍ້າຂອງເປັນແຫຼ່ງໂປຣຕິນທີ່ສຳຄັນ, ດັ່ງນັ້ນພວກເຮົາກຳລັງກິນຢາງຢູ່ບໍ່?

ເປັນເລື່ອງທີ່ຕົກໃຈບໍ່ໜ້ອຍເມື່ອມີການເປີດເຜີຍການສຶກສາກ່ຽວກັບ ເສດຢາງທີ່ໃນທ້ອງປາຂອງແມ່ນໍ້າຊີເຊິ່ງເປັນແມ່ນໍ້າສາຂາຂອງແມ່ນໍໍ້າຂອງແລະນອນໃນອ່າງແມ່ນໍ້າຂອງເຊັ່ນກັນ. ການສຶກສາດັ່ງກ່າວ ເປີດເຜີຍ ວ່າປາໃນແມ່ນໍ້າຊີແມ່ນໄດ້ ກິນຢາງເປັນອາຫານເຊິ່ງບໍ່ວ່າຈະເປັນ ປາຊະນິດໃດ ແລະ ອາໄສຢູ່ສະຖານທີ່ໃດກໍມີອາການຄ້າຍຄືກັນ.

ນັກວິມະຍາສາດຂອງໄທໄດ້ເກັບຕົວຢ່າງ 4 ຈຸດແລະຈັບປາ 100 ຕົວມາສຶກສາຫາເສດ ຢາງຢູ່ທ້ອງຂອງມັນ, ວັດແທກຂະໜາດແລະບັນທຶກ ສີຂອງປາປະກົດວ່າ 73% ຂອງຈຳນວນປາທີ່ເອົາ ມາສຶກສານັ້ນມີເສດ ຢາງຢູ່ທ້ອງຂອງມັນນີ້ກໍເປັນການສະແດງໃຫ້ເຫັນວ່າປາທີ່ຢູ່ ແມ່ນໍ້າສາຍຕ່າງໆ ທີ່ນອນໃນອ່າງນໍ້າຂອງທີ່ ສປປລາວ ກວມເອົາປະມານ 70% ຂອງເນື້ອທີ່ທັງ ໝົດນັ້ນກໍອາດມີເສດຢາງໃນທ້ອງເຊັ່ນກັນ.

ການສຶກສາດັ່ງກ່າວນັ້ນຊີ້ໃຫ້ເຫັນວ່າແຫຼ່ງສຳຄັນຂອງເສດຢາງນີ້ ແມ່ນມາຈາກມອງ, ກະຊັງລ້ຽງປາແລະແນ່ນອນການຖີ້ມຖົງຢາງ ແລະເສດປລາສຕິກຊະນິດອື່ນໆ ລົງແມ່ນໍ້ານັ້ນກໍເປັນສິ່ງສຳຄັນທີ່ເຮັດ ໃຫ້ປາກິນເປັນອາຫານ.

ຜົນການສຶກສາດັ່ງກ່າວເຮັດໃຫ້ພວກເຮົາຕ້ອງມີຄວາມກັງວົນແລະລະມັດລະວັງຫຼາຍຂຶ້ນນັບຕັ້ງແຕ່ ການຖີ້ມເສດຢາງ, ຖົງຢາງລົງແມ່ນໍ້າ, ຫ້ວຍນໍ້າລຳຄອງຕ່າງໆ ຈົນໄປເຖິງການຄຸ້ມຄອງ ການລ້ຽງປາຕາມລຳແມ່ນໍ້າ, ການຫາປາທີ່ເຮັດໃຫ້ ປາທຳມະຊາດນັ້ນຕ້ອງ ມີທາດປົນເປື້ອນຕ່າງໆ.

ການປົນເປື້ອນໃນທ້ອງປາທີ່ອາໄສຢູ່ອ່າງແມ່ນໍ້າຂອງເປັນເລື່ອງບັນ ຫາສຸຂະພາບແລະການເສື່ອມໂຊມຂອງລະບົບນິເວດ. ປະຊາກອນກວ່າ 60 ລ້ານໃນອ່າງແມ່ນໍ້າຂອງກວມເອົາປະເທດເຮົານັ້ນ ອາໄສປາເປັນແຫຼ່ງ ໂປຣຕິນທີ່ສຳຄັນ, ເປັນແຫຼ່ງລາຍໄດ້ ໃຫ້ແກ່ຫຼາຍພັນຄອບຄົວເມື່ອ ປາຫາກໄດ້ກິນເສດ ປລາສຕິດທີ່ເປັນອາຫານແລ້ວ, ນັ້ນກໍແມ່ນຄວາມສ່ຽງ ສູງທີ່ ຜູ້ຄົນໃນຂົງເຂດນີ້ ຈະຕ້ອງກິນອາຫານທີ່ມີສານປົນເປື້ອນຈາກປາ.

ນີ້ກໍເປັນເຫດຜົນສຳຄັນວ່າເປັນຫຍັງຫຼາຍໂຄງການທີ່ກຳລັງຊຸກຍູ້ ການຫຼຸດຜ່ອນການນຳໃຊ້ ຖົງຢາງແລະເຄື່ອງໃຊ້ ທີ່ເປັນປຣາສຕິກຕ່າງໆ ຮວມທັງການກຳຈັດຢ່າງຖືກວິທີໃນທົ່ວ ປະເທດໂດຍສະເພາະຢູ່ ນະຄອນຫຼວງວຽງຈັນ.

ເພາະສະນັ້ນການສະໜັບສະໜູນແລະຊຸກຍູ້ໃຫ້ ໃຫ້ການເຄື່ອນໄຫວ ຕ່າງໆຂ້າງເທີງນັ້ນເພື່ອປູກຝັງ ຈິດສຳນຶກທົ່ວປວງຊົນຈຶ່ງເປັນເລື່ອງ ທີ່ສຳຄັນຮີບດ່ວນທີ່ສຸດ.