suzuki cup ເລື່ອນຈັດການແຂ່ງຂັນອອກໄປເປັນປີ 2021 ຢ່າງເປັນທາງການ
July 31, 2020 - 10:12 AM
ອີງຕາມການລາຍງານຂອງສະຫະພັນບານເຕະອາຊຽນ (AFF) ທີ່ໄດ້ຈັດກອງປະຊຸມຄະນະການຈັດການແຂ່ງຂັນບານເຕະຊີງແຊ້ມອາຊຽນ ຫຼື (AFF suzuki cup 2020) ຜ່ານວີດີໂອ ຄອນເຟີເຣນຊ໌ ເມື່ອວັນທີ 30 ກໍະລະກົດທີ່ຜ່ານມາ,ເຖິງຄວາມເປັນໄປໄດ້ໃນການຈັດຕາມກໍານົດໃນທ້າຍປີ,ເຊິ່ງໃນກອງປະຊຸມໄດ້ມີຂໍ້ແນະນໍາໃຫ້ເລື່ອນການແຂ່ງຂັນອອກໄປຈັດໃນປີໜ້າ ເນື່ອງຈາກສະຖານະການຂອງ ໂຄວິດ-19 ໃນແຕ່ລະປະເທດຍັງບໍ່ດີຂຶ້ນ ແລະ ມີຂໍ້ຈໍາກັດໃນການຈັດການແຂ່ງຂັນບານເຕະລະດັບນາໆຊາດ
ກ່ອນທີ່ຈະໄດ້ມີການຕົກລົງຢ່າງເປັນທາງການໃຫ້ເລື່ອນການແຂ່ງຂັນ (AFF suzuki cup 2020) ອອກໄປຈັດການແຂ່ງຂັນໃນປີ 2021 ແທນ, ໂດຍຝ່າຍຈັດການແຂ່ງຂັນຍັງລະບຸວ່າ: ຈະມີການຕິດຕາມສະຖານະການ ແລະ ປະເມີນ ລວມເຖິງວາງຕາຕະລາງການແຂ່ງຂັນໃຫ້ເໝາະສົມໃນປີໜ້າອີກຄັ້ງໜຶ່ງ ແລະ ຈະແຈ້ງໃຫ້ຊາບຕໍ່ໄປ.
