ສະຫະລັດຖອນທະຫານອອກຈາກເຢຍລະມັນ 12.000 ນາຍ

ລັດຖະມົນຕີກະຊວງປ້ອງກັນປະເທດສະຫະລັດ Mark Esper ໃຫ້ຮູ້ໃນ ວັນທີ 29 ກໍລະກົດນີ້ວ່າ: ທະຫານສະຫະລັດໃນຈຳນວນ 34.500 ນາຍທີ່ປະຈຳການຢູ່ເຢຍລະມັນນັ້ນ, ມີປະມານ 6.400 ນາຍຈະຖືກສົ່ງກັບຄືນປະເທດ, ໃນຂະນະດຽວກັນເກືອບ 5.600 ນາຍຈະຖືກສົ່ງໄປປະຈຳການຢູ່ບັນດາປະເທດສະມາຊິກນາໂຕ.

ຈຸດປະສົງຕົ້ນຕໍໃນການຊັບຊ້ອນຄືນກຳລັງທະຫານປະຈຳການຢູ່ເອີຣົບຂອງສະຫະລັດໃນຄັ້ງນີ້ ແມ່ນເພື່ອປັບປຸງຢູ່ທາງຊີກຕາເວັນອອກສ່ຽງໃຕ້ຂອງອົງການສົນທິສັນຍາແອດແລນຕິກເໜືອ ຫຼື ນາໂຕ(NATO) ທີ່ຢູ້ໃກ້ກັບທະເລດຳໃຫ້ມີຄວາມເຂັ້ມແຂງຂຶ້ນ.

ທ່ານລັດຖະມົນຕີ Esper ໃຫ້ຮູ້ອີກວ່າ: ສະຫະລັດຍັງຈະສືບຕໍ່ຈັດສົ່ງທະຫານຈຳນວນໜຶ່ງໄປປະຈຳການຢູ່ໂປໂລຍ ແລະ ຊາດອື່ນໆທີ່ຢຸ່ໃນເຂດທະເລ ບັນຕິກຕື່ມອີກ, ຖ້າ Warsaw ຫາກເຫັນດີກັບຂໍ້ຕົກລົງດັ່ງກ່າວ.ກຳລັງທະຫານຂອງສະຫະລັດຈະຍ້າຍຈາກ Stuttgart ຂອງເຢຍລະມັນໄປຍັງ ເບັນຢຽມ.

ກ່ອນໜ້ານັ້ນ, ວັນທີ 15 ມີຖຸນາ ຢູ່ທີ່ທຳນຽບຂາວ, ທ່ານ ທຣຳ ປະກາດວ່າ: ຈະຕັດກຳລັງທີ່ປະຈຳການຢູ່ໃນເຢຍລະມັນລົງໃຫ້ຍັງເຫຼືອພຽງ 25.000 ນາຍ.

ຂ່າວ: ລູກເມືອງພວນ(ແຫຼ່ງ vietnamnet)