ເຂື່ອນ Three Gorges Dam ຂອງຈີນ ປ່ອຍນໍ້າໃນລະດັບສູງສຸດ

ຂ່າວຈາກ CGTN ໃຫ້ຮູ້ວ່າ: ເຂື່ອນໄຟຟ້າທີ່ໃຫ່ຍທີ່ສຸດໃນໂລກແຫ່ງນິ້, ກຳລັງລະບາຍນໍ້າອອກຈາກເຂື່ອນໃນປະລິມານ 37% ເພື່ອເປັນການຫຼຸດຜ່ອນໄພນໍ້າຖ້ວມ ແລະ ຄວາມກົດດັນຢູ່ກາງ ແລະ ລຸ່ມແມ່ນໍ້າດັ່ງກ່າວ.

ໄພນໍ້ານອງ ແລະ ນໍ້າຖ້ວມໄດ້ຫຼຸດລົງແຕ່ວັນທີ 28 ກໍລະກົດເປັນຕົ້ນມາ ແລະ ປະລີມານນໍ້າທີ່ລະບາຍອອກກໍກຳລັງເພີ່ມຂຶ້ນດ້ວຍບໍລິມາດ 2.000m3/ວິນາທີ.

ອາທິດທີ່ຜ່ານມາ, ປະລິມານນໍ້າໃນເຂື່ອນ ສາມໂຄກເພີ່ມຂຶ້ນໄວ ໃນເມື່ອມີມວນນໍ້າຄັ້ງທີສາມຈາກແມ່ນໍ້າ ແຢງຊີກຽງ ເຂົ້າມາເຕີມເຕັມເມື່ອວັນທີ 26 ກໍລະກົດທີ່ຜ່ານມາ ແລະ ຄໍ່າຄືນຂອງວັນທີ 27 ກໍລະກົດ ບໍລິມາດນໍ້າໄຫຼເຂົ້າໃນອ່າງຢູ່ທີ່ 60.000 m3/ວິນາທີ.

ເຖິງຢ່າງໃດກໍດີ, ຜູ້ຊ່ຽວຊານບອກວ່າ: ລະດັບນໍ້າໃນເຂື່ອນສາມໂຄກ ຈະບໍ່ສ້າງຄວາມອັນຕະລາຍໃຫ້ລະບົບຄວບຄຸມລະບາຍນໍ້າແຕ່ຢ່າງໃດ. ທ່ານ ກາວ(Gao) ໃຫ້ຮູ້ອີກວ່າ: ຍັງຈະສືບຕໍ່ລະບາຍນໍ້າອອກຈາກເຂື່ອນ ສາມໂຄກ ອີກຕໍ່ໄປ ເພື່ອໃຫ້ສາມາດຮັບມືກັບມວນນໍ້າຄັ້ງໃໝ່ທີ່ຈະໄຫຼເຂົ້າມາ.

ຂ່າວ: ລູກເມືອງພວນ(ແຫຼ່ງຂ່າວ vietnamnet)