ອັດຕະປືເລັ່ງສະກັດກັ້ນການລັກລອບ ແລະ ເຊື່ອງອຳລາຍຮັບ

ຮອງຫົວຫນ້າພະແນກການເງິນແຂວງອັດຕະປືເປີດເຜີຍວ່າ: ໃນ 6 ເດືອນທ້າຍປີນີ້, ແຂວງອັດຕະປືຈະສູ້ຊົນເກັບລາຍຮັບເຂົ້າງົບປະມານໃຫ້ໄດ້ ຫລາຍກ່ວາ 75 ຕື້ກີບ, ໃນນັ້ນລາຍຮັບພູດສູນກາງໃຫ້ໄດ້ 17 ຕື້ກ່ວາກີບ ແລະ ລາຍຮັບພູດທອ້ງຖິ່ນໃຫ້ໄດ້ຫລາຍກ່ວາ 57 ຕື້ກີບ. ແຕ່ເພື່ອບັນລຸຕົວເລກລາຍຮັບນີ້ແຂວງຈະຕ້ອງໄດ້ເພິ່ມມທະວີຕ້ານ ແລະ ສະກັດກັ້ນການລັກລອບ ແລະ ເຊື່ອງອຳລາຍຮັບຄື: ເອົາໃຈໃສ່ກວດສອບຄືນການແຈ້ງພາສີ, ສະກັດກັ້ນການລັກລອບພາສີ, ເອົາໃຈໃສ່່ຕິດຕາມ ແລະ ຄຸ້ມຄອງການເຄື່ອນຍ້າຍສິນຄ້າພາຍໃນ, ການນຳໃຊ້ຊັບສິນຂອງລັດ, ການຂຸດຄົ້ນ ແລະ ເຄື່ອງຍ້າຍຊັບພະຍາກອນທຳມະຊາດທີ່ບໍ່ຖືກຕ້ອງ, ພ້ອມເລັ່ງປະຕິບັດມາດຕະການຄຸ້ມຄອງຫນີ້ສິນຂອງລັດ ແລະ ເອົາໃຈໃສ່ກວດກາຄືນຫນີ້ສິນສາທາລະນະ, ຫນີ້ສິນຂອງໂຄງການລົງທຶນ ແລະ ຂອງພະແນກການຕ່າງໆ ໃຫ້ຊັດເຈນ, ເພື່ອຊຸກຍູ້ການມອບພັນທະງົບປະມານໃຫ້ໄດ້ຕາມແຜນວາງໄວ້ຢ່າງເຂັ້ມງວດ.