ຈີນຈ່າຍງົບເພີ່ມ ຫຼາຍກວ່າຮ້ອຍລ້ານ ໂດລາ ເພື່ອກູ້ໄພນໍ້າຖ້ວມ

ຈີນປະກາດວ່າ ໄດ້ຈ່າຍງົບເພີ່ມ 830 ລ້ານຢວນ ຫຼື  ປະມານ 119 ລ້ານໂດລາຈາກງົບປະມານແຫ່ງຊາດ ເພື່ອກູ້ໄພນໍ້າຖ້ວມ.

ກະຊວງການເງິນຂອງຈີນໃຫ້ຮູ້ວ່າ: ເງິນກ້ອນດັ່ງກ່າວ ແມ່ນໄດ້ແບ່ງປັນໄປໃຫ້ 12 ເຂດ, ແຂວງທີ່ໄດ້ຮັບຜົນກະທົບຈາກນໍ້າຖ້ວມ ເຊິ່ງລວມມີທັງ ມົນທົນ ຈຽງຊີ, ມົນທົນ ຫູເປີຍ ເພື່ອໃຫ້ບັນດາທ້ອງຖິ່ນເຫຼົ່ານັ້ນ ໄດ້ທຳການຜະລິດ ຟື້ນຟູຊີວິດການເປັນຢູ່ໂດຍໄວ.

ນັບແຕ່ເດືອນ ມີຖຸນາ ເປັນຕົ້ນມາ ຝົນໄດ້ຕົກໜັກຢ່າງຕໍ່ເນື່ອງໃນຫຼາຍທ້ອງຖິ່ນທາງພາກໃຕ້ຂອງຈີນ, ເຮັດໃຫ້ແມ່ນໍ້າຫຼາຍສາຍໃນຈີນຍຶ່ງຂຶ້ນສູງກາຍຂີດອັນຕະລາຍ. ມີຫຼາຍກວ່າ 100 ຄົນເສຍຊີວິດ ແລະ ຫາຍສາບສູນ, ນັບຮ້ອຍລ້ານຄົນໄດ້ຮັບຜົນກະທົບດ້ານການດຳລົງຊີວິດ, ເສດຖະກິດເສຍຫາຍນັບຫຼາຍຕື້ໂດລາ.

ວັນທີ 23 ກໍລະກົດນີ້, ອົງການພະຍາກອນອາກາດຂອງຈີນປະກາດວ່າ: ອາກາດຍັງຈະແປປ່ວນຂີ້ຮ້າຍລົງຊັກໄຊ້ໃນຫຼາຍທ້ອງຖິ່ນຂອງຈີນ ເປັນຕົ້ນແມ່ນ:  ມົນທົນ ຊານຕົງ, ມົນທົນເຫີໜານ, ມົນທົນ ຈຽງຊູ, ມົນທົນ ອັ່ນຮຸຍ, ມົນທົນສານຊີ, ສົງຊິ່ງ, ເຊສວນ, , ຢຸນໜານ ແລະ ຕິເບດ.

ສຳນັກຂ່າວ CGTN ໃຫ້ຮູ້ວ່າ: ການນຳຫຼາຍປະເທດໃນໂລກ ແລະ ອົງການຈັດຕັ້ງສາກົນໄດ້ສົ່ງຈົດໝາຍເຖິງ ທ່ານ ສີຈິນຜິງ ສະແດງຄວາມເຫັນໃຈຕໍ່ສະຖານະການນໍ້າຖ້ວມຄັ້ງນີ້ໃນຈີນ.

ຂ່າວ: ລູກເມືອງພວນ(ແຫຼ່ງຂ່າວ vietnamnet )