ຈີນ ອາດປິດກົງສູນສະຫະລັດ ຢູ່ທີ່ ອູຮັ່ນ ເພື່ອຕອບໂຕສະຫະລັດ

ປິດກົງສູນຂອງຈີນຢູ່ທີ່ Houston ໃນສະຫະລັດ

ກະຊວງການຕ່າງປະເທດຈີນ ໃຫ້ຮູ້ວັນທີ 21 ກໍລະກົດນີ້ວ່າ: ສະຫະລັດໄດ້ຮຽກຮ້ອງໃຫ້ຈີນປິດກົງສູນຂອງຕົນຢູ່ທີ່ Houston ໃນສະຫະລັດ ພາຍໃນ 72 ຊົ່ວໂມງ. ຈີນຖືວ່າ ຄຳຮຽກຮ້ອງດັ່ງກ່າວເປັນການ “ປີນຂັ້ນໄດທີ່ບໍ່ເຄີຍມີມາກ່ອນ” ຊຶ່ງເປັນການຍຸແຍ່ທາງດ້ານການເມືອງພຽງແຕ່ຝ່າຍດຽວ, ເປັນການທຳລາຍສາຍພົວພັນລະຫວ່າງສອງປະເທດ. ຈີນຈະມີປະຕິກິລິຍາຕອບໂຕ້ທີ່ຈຳເປັນ.

ກະຊວງການຕ່າງປະເທດສະຫະລັດກ່າວວ່າ: ພວກຕົນເຮັດແນວນັ້ນກໍເພື່ອ “ປ້ອງກັນສະຕິປັນຍາ ແລະ ຂໍ້ມູນຂ່າວສານສ່ວນຕົວຂອງຊາວອາເມລິກາ”. ສະຫະລັດເນັ້ນວ່າ: ນັກການທູດຕ້ອງປະຕິບັດຕາມກົດໝາຍຂອງປະເທດເຈົ້າພາບ ແລະ ມີພັນທະບໍ່ແຊກແຊງເຂົ້າກິດຈະການພາຍໃນຂອງປະເທດເຈົ້າພາບ.

ພາຍຫຼັງການຮຽກຮ້ອງຂອງສະຫະລັດ, ເຈົ້າໜ້າທີ່ຕຳຫຼວດ ແລະ ພະນັກງານມອດໄຟໃນລັດ Houston ໄດ້ຮັບແຈ້ງການວ່າມີການເຜົາເອກກະສານຢູ່ທີ່ ກົງສູນໃຫ່ຍຂອງຈີນ. ທັນທີເຈົ້າໜ້າທີ່ Houston ໄດ້ໄປເຖິງສະຖານທີ່ ແຕ່ບໍ່ສາມາດຈະເຂົ້າໄປທາງໃນໄດ້.

ການພົວພັນລະຫວ່າງວໍຊິງຕັນ ແລະ ປັກກິງ ໄດ້ລົງສູ້ລະດັບຂີ້ຮ້າຍທີ່ສຸດໃນຫຼາຍປີຜ່ານມາ. ສະຫະລັດໄດ້ກ່າວຫາຈີນຫຼາຍເທື່ອວ່າ: ປິດບັງການລະບາດຂອງພະຍາດໂຄວິດ-19 ຊຶ່ງໄດ້ສົ່ງຜົນກະທົບຕໍ່ການປ້ອງກັນ ແລະ ຕ້ານພະຍາດຂອງປະເທດອື່ນ ແລະ ໄດ້ສ້າງຄວາມກົດດັນຕໍ່ຈີນກ່ຽວກັບບັນຫາຮົງກົງ, ປຸກລະດົມໃຫ້ພັນທະມິດຂອງຕົນບໍ່ໃຫ້ຄວາມຮ່ວມມືກັບ ຫົວເຫວີຍຂອງຈີນ.

ຂ່າວ: ລູກເມືອງພວນ(ແຫຼ່ງຂ່າວ vnexpress)