ແຊ້ມໂລກອາຍຸນ້ອຍທີ່ສຸດຂອງ WBC

ເມື່ອບໍ່ດົນມານີ້ WBC (ສະພາມວຍໂລກ) ໄດ້ມອບສາຍແອວແຊ້ມໂລກໃຫ້ ບຣິດເຈີ້ ວອກເກີ້ ເດັກຊາຍອາຍຸພຽງ 6 ປີທີ່ມີຈິດໃຈກ້າຫານເຂົ້າໄປຊ່ວຍນ້ອງສາວຂອງລາວທີ່ກຳລັງຖືກໝາກັດຢູ່ ແລະ ໄດ້ຊ່ວຍເຫຼືອນ້ອງສາວໄດ້ປອດໄພ ແຕ່ບຣິດເຈີ້ ວອກເກີ້ ໄດ້ຮັບບາດເຈັບຢ່າງສາຫັດພ້ອມຕ້ອງໄດ້ຫຍິບບໍລິເວນໃບໜ້າເຖີງ 90 ເຂັມ.

ຈາກເຫດການດັ່ງກ່າວນັ້ນເຮັດໃຫ້ WBC ໄດ້ມອບສາຍເເອວແຊ້ມໂລກໃຫ້ ບຣິດເຈີ້ ວອກເກີ້ ພ້ອມກ່າວວ່າ: “ ນີ້ເປັນການກະທຳ ແລະ ມີຈິດໃຈທີ່ກ້າຫານຂອງສັນຊາດຕະຍານທີ່ເດັດດ່ຽວເຈົ້າຄືຮີໂຣ້ ”

ສ່ວນຄຳເວົ້າຂອງ ບຣິດເຈີ້ ວອກເກີ້ ຫຼັງຈາກທີ່ຊ່ວຍເຫຼືອນ້ອງສາວໄດ້ປອດໄພແລ້ວໄດ້ກ່າວຄຳສຸດປະທັບໃຈວ່າ: ຫາກຈະມີຄົນໄດ້ຮັບບາດເຈັບຫຼືມີຄົນຕາຍໃນເຫດການນີ້ຂໍໃຫ້ເປັນຂ້ອຍແທນ..!