ເກີດແຜ່ນດິນໄຫວຂະໜາດ 7,8 ນອກຝັ່ງອະແລສກາ ເຕືອນໄພສຶນາມິ

ສຳນັກງານ​ສຳ​ຫລວດທາງ​ທໍລະນີວິທະຍາ​ອາ​ເມ​ລິ​ກາ (USGS) ລາຍ​ງານ​ວ່າ: ​ເມື່ອ​ເວລາ​ປະມານ 23:12 ​ໂມງ ວັນ​ທີ 22 ກໍລະກົດ ຕາມ​ເວລາ​ປາຊີ​ຟິກ (13:12 ​ໂມງ ວັນ​ທີ 22 ກໍລະກົດ ຕາມ​ເວລາ​ຢູ່​ລາວ) ​ເກີດ​ເຫດ​ແຜ່ນດິນ​ໄຫວ​ແມັກ​ນິຈູດ 7,8 ນອກ​ຝັ່ງ​ອະ​ແລ​ສກາ ​ໂດຍ​ສູນ​ກາງ​ຢູ່​ຫ່າງ​ໄປ​ທາງ​ຕາ​ເວັນ​ຕົກ​ສຽງ​ໃຕ້​ຂອງ​ເມືອງ​ເພີຣິວິລປະມານ 96 ກິ​ໂລ​ແມັດ ​ໃນ​ລະດັບ​ຄວາມ​ເລິກ 9,6 ກິ​ໂລ​ແມັດ. ຫລ້າ​ສຸດ​ມີ​ການ​ເຕືອນ​ໄພ​ສຶນາ​ມິ​ໃນ​ລັດ​ອະ​ແລ​ສກາ​ຂອງອາ​ເມ​ລິ​ກາ.

ABC ລາຍ​ງານ​ວ່າ: ​ແຮງ​ສັ່ນ​ສະ​ເທືອ​ນຂອງ​ແຜ່ນດິນ​ໄຫວ​ຄັ້ງນີ້​ຮັບ​ຮູ້​ໄປ​ໄດ້​ໄກ​ເຖິງ​ເມືອງ​ແອ​ງ​ເຄີ​ເຣຈ ​ເຊິ່ງຢູ່​ຫ່າງ​ຈາກ​ສູນ​ກາງ​ແຜ່ນດິນ​ໄຫວ​ປະມານ 804 ກິ​ໂລ​ແມັດ ຍັງ​ບໍ່​ມີ​ລາຍ​ງານ​ຄວາມ​ເສຍ​ຫາຍ ລວມທັງ​ຜູ້​ບາດ​ເຈັບ ​ແລະ ​ເສຍ​ຊີວິດ.