ຈີນຈຳຕ້ອງໄດ້ເປີດປະຕູ້ນໍ້າ 7 ປະຕູ ຂອງເຂື່ອນ ສາມໂຄກ ເພື່ອລະບາຍນໍ້າ

ຂ່າວ ຊິນຫົວໃຫ້ຮູ້ ມື້ວັນທີ 19 ກໍລະກົດນີ້ວ່າ: ເຂື່ອນ ສາມໂຄກຈຳຕ້ອງໄດ້ເປີດປະຕຸນໍ້າຢ່າງໜ້ອຍ 3 ຄັ້ງຕໍ່ວັນ ເພາະລະດັບນໍ້າໄດ້ກາຍຂີດອັນຕະລາຍ. ຂ່າວຍັງໃຫ້ຮູ້ອີກວ່າ: ມວນນໍ້າໄຫຼເຂົ້າເຂື່ອນ ສາມໂຄກດ້ວຍລະດັບຄວາມໄວ 63.000 m³/ວິນາທີ, ວັນທີ 18 ກໍລະກົດ ຈຶ່ງໄດ້ເປີດປະຕູນໍ້າ 5 ປະຕູ ເພື່ອລະບາຍນໍ້າອອກ ແລະ ມາເຖິງວັນທີ 19 ກໍລະກົດ ເຂື່ອນບັນຈຸມວນນໍ້າເຖິງ 4 ຕື້  m³  ກາຍຂີດເຕືອນໄພເກືອບ 20 ແມດ, ຈຶ່ງມີຄວາມຈຳເປັນຕ້ອງໄດ້ເປີດປະຕູນໍ້າເພີ່ມຕື່ມອີກ 2 ປະຕູ ເພີ່ມຂຶ້ນເປັນ 7 ປະຕູ ເພື່ອລະບາຍນໍ້າອອກຈາກເຂື່ອນ ສາມໂຄກ.

ເຂື່ອນສາມໂຄກ ເປັນໃຫ່ຍທີ່ສຸດໃນໂລກ, ເລີ່ມການກໍ່ສ້າງໃນປີ 1994 ແລະ ເລີ່ມທຳການຜະລິດກະແສໄຟຟ້າຢ່າງເປັນທາງການໃນເດືອນ ກໍລະກົດ 2012 ດ້ວຍມູນຄ່າການກໍ່ສ້າງ 200 ຕື້ ຢວນ, ຊຶ່ງມີສັນເຂື່ອນສູງ 185 ແມັດ, ມີຄວາມຍາວ 660 ກິໂລແມດ ຢູ່ໃນແມ່ນໍ້າ ແຢງຊີກຽງ ມົນທົນ ຫູເປີຍ.

ຂ່າວ: ລູກເມືອງພວນ