ນະຄອນຫລວງ ເລັ່ງແກ້ໄຂ ສາຍໄຟ
ປັດ ຈຸ ບັນ ນະ ຄອນ ຫຼວງວຽງຈັນ (ນວ) ພວມເລັ່ງສຸມໃສ່ແກ້ໄຂບັນ ດາຊຸມສາຍ ເພື່ອສ້າງຄວາມສວຍງາມ ແລະ ຄວາມເປັນລະ ບຽບຮຽບຮ້ອຍ ໂດຍເຫັນດີໃຫ້ 3 ບໍ ລິ ສັດເຮັດທົດລອງແກ້ໄຂຊຸມສາຍໃນ 3 ເສັ້ນ ທາງ ຖ້າການແກ້ໄຂບັນ ຫາດັ່ງ ກ່າວສຳ ເລັດຕາມເປົ້າໝາຍ ແມ່ນຈະໃຫ້ບໍ ລິ ສັດດັ່ງ ກ່າວສືບ ຕໍ່ແກ້ໄຂຊຸມສາຍທົ່ວ ນວ.
ທ່ານ ສີຄອນ ອ່ອນສີພັນລາ ຫົວ ໜ້າພະແນກໄປ ສະ ນີ ໂທລະຄົມ ມະ ນາ ຄົມ ແລະ ການສື່ ສານ ນວ ໄດ້ໃຫ້ສຳ ພາດໃນອາ ທິດຜ່ານມາວ່າ: ເພື່ອເປັນການແກ້ໄຂບັນ ຫາດັ່ງ ກ່າວແບບສະ ເພາະໜ້າ ນວ ຂອງພວກເຮົາໄດ້ເຫັນດີເປັນເອ ກະພາບ ມອບໃຫ້ 3 ບໍ ລິ ສັດເຮັດທົດລອງຢູ່ 3 ເສັ້ນ ທາງ ເພື່ອເຮັດໃຫ້ບັນ ດາຊຸມສາຍ ມີຄວາມເປັນລະ ບຽບຮຽບຮ້ອຍສະ ອາດງາມຕາ ໃນນັ້ນ ມີຖະ ໜົນ 23 ສິງ ຫາ ນັບແຕ່ປະ ຕູໄຊຫາກະ ຊວງການເງິນ ຖະ ໜົນໄກ ສອນ ນັບແຕ່ປະ ຕູໄຊຫາໄຟແດງໂພນສະ ອາດ ແລະ ອີກເສັ້ນ ທາງໜຶ່ງແມ່ນໄຟແດງຫໍ ຄຳຫາໄຟແດງມະ ໂຫ ສົດ ສຳ ລັບທຶນທັງໝົດແມ່ນບໍ ລິ ສັດຮັບ ຜິດ ຊອບ ເມື່ອປັບ ປຸງແກ້ໄຂສຳ ເລັດ ທາງຄະ ນະຈະລົງກວດ ກາຕີລາ ຄາຄືນວ່າ ບໍ ລິ ສັດທີ່ຮັບ ຜິດ ຊອບເສັ້ນ ທາງໃດເຮັດໄດ້ດີ ຈຶ່ງຈະມີການພິ ຈາ ລະ ນາໃຫ້ສືບ ຕໍ່ປະ ຕິ ບັດ ເພື່ອແກ້ໄຂຊຸມສາຍໃນທົ່ວ ນວ ໃນ ຕໍ່ ໜ້າ ກໍຄືການວາງແຜນໄລ ຍະຍາວ ໃນການແກ້ໄຂ ເຊິ່ງຈະຕ້ອງໄດ້ໃຊ້ທຶນຈຳ ນວນຫຼາຍ ພວກເຮົາຈະແກ້ໄຂໂດຍຈະໄດ້ຫັນເອົາບັນ ດາຊຸມສາຍລົງໄວ້ພື້ນດິນ ແລະ ແກ້ໄຂໂດຍການຫຼຸດໃຊ້ສາຍ ເພື່ອເຮັດໃຫ້ຊຸມສາຍຫຼຸດໜ້ອຍລົງ ແລະ ເຮັດໃຫ້ ນວ ມີຄວາມເປັນລະ ບຽບຮຽບຮ້ອຍສະ ອາດງາມຕາ ເປັນນະ ຄອນໜ້າຢູ່ຕາມທິດຊີ້ນຳຂອງຂັ້ນເທິງ.
ຂ່າວ: Vientiane Mai
