ທະຫານແບນຊິກຍິງຊາຍຕ້ອງສົງໄສມີລະເບີດ
ທະຫານແບນຊິກທີ່ລາດຕະເວນຢູ່ບໍລິເວນສະຖານີລົດໄຟເຊັນທຣັດ ໃນນະຄອນຫລວງບຣຸກແຊນ ຍິງຜູ້ຊາຍຕ້ອງສົງໄສຄົນ ໜຶ່ງ ຫລັງມີເຫດລະເບີດຂະໜາດນ້ອຍຢູ່ສະຖານີ ໃນວັນທີ 20 ມິຖຸນາ, ແຕ່ບໍ່ມີໃຜບາດເຈັບ. ປັດຈຸບັນຄວບ ຄຸມສະຖານະການໄວ້ ໄດ້ແລ້ວ.
+ ເຫດກໍ່ການຮ້າຍລອນດອນ ເຮັດໃຫ້ມີຜູ້ເສຍຊີວິດ 6 ຄົນ
+ ເກີດເຫດລະເບີດຢູ່ແມນເຊສເຕີຂອງອັງກິດ ມີຜູ້ເສຍຊີວິດ 19 ຄົນ, ບາດເຈັບ 50 ຄົນ
+ ຄົນຮ້າຍຂັບລົດຕູ້ແລ່ນຕຳຝູງຊົນ ຢູ່ນະຄອນຫລວງລອນດອນ
ສຳນັກຂ່າວຕ່າງປະເທດລາຍງານຈາກນະຄອນຫລວງບຣຸກແຊນ ປະເທດແບນຊິກ ໃນວັນທີ 21 ມິຖຸນານີ້ວ່າ: ໂຄສົກຕຳຫລວດ ແບນຊິກຖະແຫລງວ່າ: ທະຫານທີ່ລາດຕະເວນບໍລິເວນສະຖານີລົດໄຟເຊັນທຣັດ ໃນນະຄອນຫລວງ ບຣຸກແຊນ ໃນວັນທີ 20 ມິຖຸ ນາ ໄດ້ໃຊ້ອາວຸດຍິງຕໍ່ສູ້ເພື່ອຢຸດຕິການເຄື່ອນໄຫວຂອງເຂົາ, ຫລັງມີເຫດລະເບີດຂະໜາດ ນ້ອຍເກີດຂຶ້ນພາຍໃນສະຖານີລົດໄຟ ແຕ່ບໍ່ມີໃຜໄດ້ຮັບບາດເຈັບ. ເຈົ້າໜ້າທີ່ຕຳຫລວດເປີດເຜີຍວ່າ: ຜູ້ຊາຍຄົນດັ່ງກ່າວ ເສຍຊີວິດແລ້ວ ແລະ ກຳລັງເລັ່ງສືບສວນເຫດ ການດັ່ງກ່າວ.
ສະຖານີລົດໄຟເຊັນທຣັດຢູ່ຕິດກັບເຂດໃຈກາງເມືອງ ລວມທັງສະໜາມກຣັງປຣາ ເຊິ່ງມີນັກທ່ອງທ່ຽວເຂົ້າໄປ ທ່ຽວຊົມຢ່າງ ໜາແໜ້ນ ລວມທັງປະຊາຊົນທີ່ເຂົ້າໄປທ່ຽວຕອນຄໍ່າຂອງລະດູຮ້ອນ. ເຈົ້າໜ້າທີ່ຕຳຫລວດສັ່ງອົບພະຍົບ ປະຊາຊົນອອກນອກພື້ນ ທີ່ເພື່ອຄວາມປອດໄພ. ປັດຈຸບັນ ເຈົ້າໜ້າທີ່ຄວບຄຸມສະຖານະການໄວ້ໄດ້ແລ້ວ.
ສື່ທ້ອງຖິ່ນລາຍງານວ່າ: ຈາກຄຳບອກເລົ່າຂອງພະຍານລະບຸວ່າ: ຜູ້ຊາຍຕ້ອງສົງໄສໄດ້ຮ້ອງວ່າ: “ສັນລະເສີນພະ ເຈົ້າ” ກ່ອນຈະມີ ການຈູດລະເບີດຂະໜາດນ້ອຍ ກຳລັງທະຫານຟ້າວມາຈຸດເກີດເຫດ ເຫັນມີສາຍໄຟຢູ່ເສື້ອຂອງລາວ ຈຶ່ງຕັດສິນໃຈໃຊ້ອາວຸດປືນ ຍິງເພື່ອຢຸດຕິການເຄື່ອນໄຫວຂອງລາວ.
ໃນເດືອນມີນາປີຜ່ານມາ, ກຸ່ມທີ່ເອີ້ນຕົນເອງວ່າ ລັດອິສລາມ (IS) ເຄີຍກໍ່ເຫດໂຈມຕີກໍ່ການຮ້າຍຢູ່ສະໜາມບິນ ແລະ ສະຖານີ ລົດໄຟໃຕ້ດິນຂອງແບນຊິກພ້ອມກັນ ຈົນເຮັດໃຫ້ມີຜູ້ເສຍຊີວິດ 32 ຄົນ ໂດຍສະມາຊິກເຄືອຂ່າຍກໍ່ການ ຮ້າຍນີ້ເປັນກຸ່ມດຽວກັບ ທີ່ກໍ່ເຫດໂຈມຕີນະຄອນຫລວງປາຣີ ໃນເດືອນພະຈິກ 2015 ເຊິ່ງເຮັດໃຫ້ມີຜູ້ເສຍຊີວິດ 130 ຄົນ.
