ສາຍພົວພັນມິດຕະພາບແບບພິເສດໜຶ່ງດຽວໃນໂລກ.

ໃນລະຫວ່າງວັນທີ 18-19 /07/2020 ທ່ານ ແສງເພັດ ຮຸ່ງບຸນຍວງ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ສສ ຫວຽດນາມ ພ້ອມຄະນະນຳ ແລະ ພະນັກງານຈຳນວນໜຶ່ງໃນສະຖານທູດລາວປະຈຳຮ່າໂນ້ຍ ໄດ້ ເຂົ້າຮ່ວມພິທີໄຕ້ທູບທຽນບູຊາເນື່ອງໃນວັນທະຫານເສຍອົງຄະ-ນັກຮົບເສຍສະຫຼະຊີວິດເພື່ອຊາດຫວຽດນາມ ຄົບຮອບ 73 ປີ (27/07/1949 – 27/07/2020) ຢູ່ທີ່ສຸສານສາກົນ ຫວຽດ-ລາວ ເມືອງ ແອງເຊິນ, ແຂວງ ເຫງະອານ ສສ.ຫວຽດນາມ.
ໃນພິທີ ທ່ານ ແສງເພັດ ຮຸ່ງບຸນຍວງ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ສສ ຫວຽດນາມ ກ່າວວ່າ: ໃນປະຫວັດສາດແຫ່ງການພົວພັນສາກົນ, ແຕ່ອະດິດມາເຖິງປະຈຸບັນ, ສາຍພົວພັນລະຫວ່າງລາວ-ຫວຽດນາມ ແລະ ຫວຽດນາມ-ລາວ ແມ່ນສາຍພົວພັນແບບພິເສດມີໜຶ່ງດຽວໃນໂລກ, ເປັນການພົວພັນທີ່ສະໜິດແໜ້ນໝັ້ນຄົງ, ບໍລິສຸດຜຸດຜ່ອງ, ໃສແຈ້ງ ແລະ ມີປະສິດທິຜົນ ລະຫວ່າງສອງຊາດໄດ້ສ້າງຂຶ້ນ ແລະ ຖະນຸຖະໜອມຜ່ານຂະບວນການຮ່ວມສຳພັນສູ້ຮົບທີ່ເສຍສະຫຼະຊີວິດເລືອດເນື້ອ ບໍ່ຮູ້ຈັກວ່າເທົ່າໃດລຸ້ນຄົນຮ່ວມຕໍ່ສູ້ເພື່ອຄວາມເປັນເອກະລາດ, ເສລີພາບ ແລະ ສັງຄົມທີ່ກ້າວໜ້າຂອງສອງປະເທດ.
ຂ່າວ: ບາວເທີຍດາຍ ຫວຽດນາມ.