ແຍກປ່ຽວນັກສຶກສາລາວ 600 ກ່າວຄົນ ເປັນເວລາ 14 ວັນທີ່ກັບຄືນຮຽນຢູ່ ຫວຽດນາມ

ຫວຽດນາມໄດ້ດຳເນີນຕາມລະບຽບການ ເພື່ອ ຮັບ ແລະ ມອບນັກສຶກສາລາວ ໄປກັກໃນບໍລິເວນຄັ້ງທີ 1 ຈໍານວນ 600 ກວ່າຄົນທີ່ຮຽນຢູ່ມະຫາວິທະຍາໄລ, ວິທະຍາໄລຕ່າງໆຂອງແຂວງຮ່າຕິ້ງ

ວັນທີ 17 ກໍລະກົດ, ທີ່ດ່ານຊາຍແດນສາກົນ ເກົ່າແຈວ, ທະຫານ ຊາຍແດນແຂວງຮ່າຕິ້ງ ໄດ້ສົມທົບກັບເຈົ້າໜ້າທີ່ກ່ຽວຂ້ອງ ດຳເນີນຂັ້ນຕອນຕາມລະບຽບການເພື່ອ ຮັບ ແລະ ມອບນັກສຶກສາລາວ ໄປກັກໃນບໍລິເວນຄັ້ງທີ 1 ຫຼາຍກວ່າ 600 ກວ່າຄົນ ທີ່ຮຽນຢູ່ມະຫາວິທະຍາໄລ ແລະ ວິທະຍາໄລແຫ່ງຕ່າງໆຂອງແຂວງຮ່າຕິ້ງ.

ປັດຈຸບັນ ຫວຽດນາມສາມາດປິ່ນປົວຜູ້ຕິດເຊື້ອ Covid ຫາຍດີເປັນປົກກະຕິແລ້ວ 357 ຄົນ, ໃນຈຳນວນຜູ້ຕິດເຊື້ອທັງໝົດ 382 ຄົນ. ມາຮອດຕອນເຊົ້າວັນທີ 18 ກໍລະກົດ, ຍອດຈຳນວນຜູ້ຕິດເຊື້ອ Covid – 19 ໃນທົ່ວໂລກໄດ້ລື່ນກາຍຈຳນວນ 14 ລ້ານຄົນ, ໃນນັ້ນມີຜູ້ເສຍຊີວິດເກືອບ 600.000 ຄົນ.