ນະຄອນຫລວງ ມີຜູ້ລະເມີດຈະລາຈອນ 789 ຄົນ
ໃນ 6 ເດືອນຕົ້ນປີ 2020, ກອງທາງຫຼວງ ພະແນກຕໍາຫຼວດຈະລາຈອນ ປກສ ນະຄອນຫຼວງວຽງຈັນ ກວດພົບຜູ້ລະເມີດກົດລະບຽບຈະລາຈອນ 789 ຄົນ ຍິງ 205 ຄົນ, ຂຽນໃບສັ່ງກັກເອກະສານລົດ ຈໍານວນ 508 ໃບ, ຕໍ່ກັບຜູ້ລະເມີດ ເຈົ້າຫນ້າທີ່ໄດ້ສຶກສາອົບຮົມ ແລະ ກ່າວ ເຕືອນ.
ເຈົ້າຫນ້າທີ່ກອງທາງຫຼວງ ໃຫ້ຮູ້ວ່າ: ໃນໄລຍະ 6 ເດືອນຕົ້ນປີນີ້, ກອງທາງຫຼວງໄດ້ສຸມໃສ່ຈັດສັນ ຄວາມບໍ່ເປັນລະບຽບຮຽບຮ້ອຍຕາມສາຍ ທາງຫຼວງ, ລະບຽບການສັນຈອນ, ຄວບຄຸມຄວາມໄວ,ກວດກາ ທາດເຫຼົ້ ປະຈໍາຕາມສາຍທາງຫຼັກ ໃນວັນປົກປະຕິ, ງານບຸນປະເພນີ ແລະ ວັນສໍາຄັນຕ່າງໆຂອງພັກ-ຂອງ ຊາດ. ນອກນັ້ນ, ຍັງໄດ້ປະສານສົບທົບກັບບັນດາສະມາຄົມ, ຄິວລົດ, ເປີດທາງ, ປ້ອງກັນ ແລະ ກວດກາ ຊົ່ວໂມງ ເລັ່ງດ່ວນ.
ຜ່ານການຈັດຕັ້ງສາມາດສາ້ງຜົນງານໄດ້ຫຼາຍດ້ານສະແດງອອກ ຄື: ອອກຈັບຄວາມໄວ 24 ຄັ້ງ ມີ 264 ແຮງງານ, ກັກເອກະສານ ໄດ້ 235 ໃບ, ລົງຈັດລະບຽບຕາມສາຍທາງປະຈໍາວັນມີ 100 ຄັ້ງທີ 500 ແຮງງານ, ອອກອາທິດຈະລາຈອນ 21 ຄັ້ງ ມີ 168 ແຮງງານ, ລົງລະບາຍລົດຕາມຈຸດສັບສົນເຊົ້າ-ແລງມີ 280 ຄັ້ງມີ 1.280 ແຮງງານ, ເປີດທາງແຂກພາຍໃນ ແລະ ຕ່າງປະເທດ 79 ຄັ້ງມີ 79 ແຮງງານ, ປ້ອງກັນ ແຂກພາຍໃນ ແລະ ຕ່າງປະເທດ 19 ຄັ້ງມີ 140 ແຮງງານ, ອອກວຽກສົມທົບຄິວລົດສາຍເຫນືອ 47 ຄັ້ງນີ້ 260 ແຮງງານ, ລົດອອກຄິວລົດສາຍໃຕ້ ຈໍານວນ 2.855 ຄັນ, ສາຍຕ່າງປະເທດ 1.855 ຄັນ, ອອກວຽກ ສົມທົບຄິວລົດຕຸກໆຈໍາໂບ້ 13 ຄັ້ງມີ 26 ແຮງງານ, ລົດສະເພາະກິດກາງເວັນ 13 ຄັ້ງມີ 26 ແຮງງານ, ລ໋ອກລໍ້ລົດທັງຫມົດ 55 ຄັນ, ກວດກາທາດເຫຼົ້າທັງລົດ 10 ຄົນ ຍິງ 3 ຄົນ, ກວດພົບຜູ້ລ່ວງລະເມີດກົດຈະ ລາຈອນທັງຫມົດ 789 ຄົນ ຍິງ 205 ຄົນ, ຂຽນໃບສັ່ງກັກເອກະສານ ແລະ ລົດ ຕ່າງໆ ຈໍານວນ 508 ໃບ ຍິງ 15 ຄົນ, ສຶກສາອົບ ຮົມກ່າວເຕືອນຜູ້ລ່ວງລະເມີດ ທັງຫມົດ 281 ຄົນ ຍິງ 190 ຄົນ, ກັກເອກະສານ ທັງຫມົດ 238 ໃບ, ກັກລົດໄດ້ທັງຫມົດ 16 ຄັນ.
ທິດທາງແຜນການໃນຕໍ່ຫນ້າຈະສືບຕໍ່ແກ້ໄຂຈະລາຈອນແອອັດ, ຈັດສັນຄວາມບໍ່ເປັນລະ ບຽບ ຮຽບຮ້ອຍຕາມສາຍທາງຫຼັກເຂດຊຸມຊົນ, ແກ້ ໄຂລົດຈອດຊະຊາຍແຄມທາງ, ຂາຍເຄື່ອງໃສຟຸດບາດ, ຄວບຄຸມຄວາມໄວ, ກວດກາທາດເຫຼົ້າ, ບັນທຸກເກີນ ແລະ ເສຍຄ່າທໍານຽມທາງ, ຮັບ ປະກັນໃນການເປີດ ທາງ, ປ້ອງກັນແຂກພາຍໃນ ແລະ ຕ່າງປະເທດໃຫ້ມີຄວາມສະຫງົບປອດໄພ.
ແຫລ່ງ: ປກສ
