ສະຫລຸບບັນຫາໜ້າສົນໃຈທົ່ວໂລກປະຈຳວັນທີ 18 ກໍລະກົດ 2020
- ການເພີ່ມຂຶ້ນແບບອັດສະຈັນຂອງຕະຫລາດຫຸ້ນອາເມລິກາ ນັບແຕ່ເດືອນມີນາຜ່ານມາ ໄດ້ເຮັດໃຫ້ BlackRock ສາມາດລາຍງານຜົນກຳໄລທີ່ສົດໃສໃນໄຕມາດທີ 2 ໄດ້.
BlackRock ຄືບໍລິສັດດ້ານການແກ້ໄຂ ແລະ ບໍລິຫານຊັບສິນ ເຊິ່ງມີຂະໜາດໃຫຍ່ທີ່ສຸດໃນໂລກ ແລະ ພວກເຂົາໄດ້ລາຍງານຜົນກຳໄລສຸດທິ 1.200 ລ້ານໂດລາ ສຳລັບໄຕມາດທີ 2 ນີ້ ໂດຍເພີ່ມຂຶ້ນ 20% ເມື່ອທຽບໃສ່ໄລຍະດຽວກັນຂອງປີກ່ອນ.
ລາຍຮັບທັງໝົດເພີ່ມຂຶ້ນ 4% ສູ່ລະດັບ 3.600 ລ້ານໂດລາ ແລະ ຊັບສິນພາຍໃຕ້ການບໍລິຫານ (Asset Under Management) ເພີ່ມຂຶ້ນ 13% ສູ່ລະດັບ 7,3 ຕື້ໂດລາ.
ຂະນະດຽວກັນ ທະນາຄານເພື່ອການລົງທຶນຫລາຍແຫ່ງຂອງອາເມລິກາ ໄດ້ລາຍງານຜົນປະກອບການທີ່ແຂງແຮງສຳລັບໄຕມາດທີ 2 ນີ້ ໂດຍໄດ້ຮັບແຮງສະໜັບສະໜູນຫລັກຈາກການສະໜັບສະໜູນເງິນຂອງ FED ແລະ ລັດຖະບານ.
- ຫລາຍປະເທດທົ່ວໂລກກຳລັງເກີດການລະບາດຢ່າງຮຸນແຮງ ແລະ ກັງວົນຫລາຍຂຶ້ນ ໂດຍສະເພາະອາເມລິກາ ເຊິ່ງໄດ້ລາຍງານຜູ້ຕິດເຊື້ອໃໝ່ຢ່າງໜ້ອຍ 77.000 ຄົນພາຍໃນ 1 ມື້ ຖືວ່າເປັນຕົວເລກທີ່ເພີ່ມຂຶ້ນຫລາຍ ແລະ ທົ່ວປະເທດມີຜູ້ຕິດເຊື້ອທັງໝົດ 3,6 ລ້ານກວ່າຄົນແລ້ວ.
ເບຣຊິນນຳຫລັງມາເປັນອັນດັບ 2 ດ້ວຍຕົວເລກຜູ້ຕິດເຊື້ອ 2 ລ້ານກວ່າຄົນ. ຂະນະທີ່ອິນເດຍກາຍເປັນປະເທດທີ 3 ເຊິ່ງໄດ້ລາຍງານຈຳນວນຜູ້ຕິດເຊື້ອ 1 ລ້ານກວ່າຄົນແລ້ວໃນວັນທີ 17 ກໍລະກົດ.
- British Airways ກ່າວວ່າພວກເຂົາໄດ້ເຊົາຜະລິດເຮືອບິນລຸ້ນ Boeing 747 Jombo jets ແລະ ຈະມີຜົນບັງຄັບໃຊ້ໂດຍທັນທີ.
ກ່ອນໜ້ານີ້ ບໍລິສັດຕັ້ງໃຈຈະເຊົາຜະລິດເຮືອບິນລຸ້ນນີ້ໃຫ້ໝົດພາຍໃນປີ 2024 ແຕ່ COVID-19 ບັງຄັບໃຫ້ພວກເຂົາຕ້ອງປ່ຽນແຜນ ຫລັງຈາກ Demand ໃນທຸລະກິດສາຍການບິນໄດ້ພັງທະລາຍລົງ.
ຈາກເຮືອບິນທີ່ຖືກຈັດວ່າເປັນ Jumbo Jets ທັງໝົດ 500 ລຳ ເຊິ່ງເຄີຍເປີດໃຫ້ບໍລິການຜູ້ໂດຍສານຢູ່ກ່ອນທີ່ການລະບາດຂອງ COVID-19 ຈະເກີດຂຶ້ນ. ປັດຈຸບັນເຫລືອເຮືອບິນປະເພດນີ້ພຽງ 30 ລຳເທົ່ານັ້ນທີ່ຍັງເປີດໃຫ້ບໍລິການຢູ່.
- Kate Brown ເຈົ້າຄອງຝ່າຍ Democrat ແຫ່ງລັດ Oregon ໄດ້ວິພາກວິຈານໜ່ວຍງານຂອງລັດຖະບານກາງ ຫລັງຈາກພວກເຂົາເຂົ້າປາບປາມຜູ້ປະທ້ວງຢູ່ Portland ເຊິ່ງເປັນເມືອງໃຫຍ່ທີ່ສຸດຂອງລັດ.
ການແຫ່ຂະບວນປະທ້ວງເພື່ອຕໍ່ຕ້ານຄວາມໂຫດຮ້າຍຂອງຕຳຫລວດ ເຮັດໃຫ້ເມືອງຕ້ອງປະສົບບັນຫາຄວາມວຸ້ນວາຍມາກວ່າ 50 ມື້ແລ້ວ ແລະ ເມື່ອບໍ່ດົນມານີ້, ໜ່ວຍງານຈາກລັດຖະບານກາງໄດ້ໃສ່ຊຸດອຳພາງຕົວ ເພື່ອຍິງແກັສນ້ຳຕາເຂົ້າສູ່ກຸ່ມຜູ້ປະທ້ວງ ລວມທັງມີການດຶງກຸ່ມຜູ້ປະທ້ວງເຂົ້າໄປໃນຍານພາຫະນະທີ່ບໍ່ມີເຄື່ອງໝາຍໃດໆຂອງທາງການ ເຊິ່ງ Kate Brown ເອີ້ນການກະທຳນີ້ວ່າ “ການໃຊ້ອຳນາດເພື່ອຂົ່ມເຫັງ ແລະ ລະເມີດສິດທິຄົນອື່ນ”.
- Ruth Bader Ginsburg ຜູ້ພິພາກສາທີ່ອາວຸໂສທີ່ສຸດແຫ່ງສານອາຍາອາເມລິກາ ກ່າວວ່າ: ນາງໄດ້ຮັບການປິ່ນປົວມະເຮັງທີ່ກັບມາເປັນອີກ ໂດຍປັດຈຸບັນນີ້ນາງມີອາຍຸ 87 ປີ ແລະ ຍັງເປັນ 1 ໃນ 4 ຂອງສະມາຊິກຜູ້ພິພາກສາຝ່າຍເສລີນິຍົມ ຈາກຜູ້ພິພາກສາທັງໝົດ 9 ຄົນ.
ນອກຈາກນີ້ ນາງຍັງກ່າວອີກວ່າ “ພ້ອມທີ່ຈະກັບມາປະຕິບັດໜ້າທີ່ຂອງນາງ” ແລະ ຍັງໄດ້ສະແດງຜົນການປິ່ນປົວໃນທາງບວກ ເຖິງວ່າເມື່ອປີກ່ອນ ນາງຈະເຄີຍເຂົ້າຮັບການປິ່ນປົວມະເຮັງຕັບອ່ອນມາແລ້ວເຄິ່ງໜຶ່ງ.
ພາກພື້ນ Catalonia ຂອງປະເທດສະເປນໄດ້ເພີ່ມຄວາ
