ໂຈນປຸ້ນທະເລເຄື່ອນໄຫວໜັກຂຶ້ນຢູ່ອາຊີ

ເຫດໂຈນປຸ້ນທາງທະເລ ຢູ່ໃນອາຊີ ເພີ່ມສູງຂຶ້ນໃນ 6 ເດືອນຕົ້ນປີນີ້. ໃນນັ້ນ ສິງກະໂປກວມເອົາ 1/3 ເຫດການປຸ້ນທັງໝົດ.

ໜັງສືພິມ  Today ໃຫ້ຮູ້ໃນວັນທີ 17 ກໍລະກົດນີ້ໃຫ້ຮູ້ວ່າ ໃນ 6 ເດືອນຕົ້ນປີນີ້ ເຫດໂຈນປຸ້ນທາງທະເລຢູ່ໃນອາຊີ ໄດ້ເພີ່ມສູງຂຶ້ນ ຖ້າທຽບໃສ່ໃນໄລຍະດຽວກັນຂອງປີກາຍ, ໃນນັ້ນເປັນທີ່ຈັບຕາກວ່າໝູ່ ແມ່ນການປຸ້ນຢູ່ທີ່ຊ່ອງແຄບ ສິງກະໂປ.

ສູນຂໍ້ມູນຂ່າວສານກ່ຽວກັບຂໍ້ຕົກລົງການປຸ້ນສະດົມທາງທະເລດ້ວຍອາວຸດທີ່ແນໃສ່ເຮືອ ແລະ ກຳປັ່ນໃນອາຊີ(ReCAAP) ໃຫ້ຮູ້ວ່າ: ທີ່ອາຊີ ມີເຫດໂຈນປຸ້ນທາງທະເລເກີດຂຶ້ນ 51 ຄັ້ງ ໃນນັ້ນເກີດຂຶ້ນຢູ່ຊ່ອງແຄບສິງກະໂປ 16 ຄັ້ງ.

ເຫດການໂຈນປຸ້ນທາງທະເລຢູ່ຊ່ອງແຄບສິງກະໂປເພີ່ມສູງຂຶ້ນໃນຊ່ວງໄລຍະປີ 2014,​ 2015 ແລະ ຫຼຸດລົງໃນປີ 2016. ນັບແຕ່ປີກາຍນີ້ ມາການປຸ້ນທາງທະເລກັບມາເພີ່ມຂຶ້ນອີກ.

ທ່ານ Kuroki ຫົວໜ້າຈັດການ ReCAAP ໄດ້ຮຽກຮ້ອງໃຫ້ບັນດາປະເທດເພີ່ມທະວີການລາດຕະເວນ ແລະ ຄວບຄຸມ ໂດຍສະເພາະແມ່ນຮຽກຮ້ອງໃກ້ສິງກະໂປ, ມາເລເຊຍ ແລະ ອິນໂດເນເຊຍ ເພີ່ມທະວີການຮ່ວມມືກັນ ແລະ ແລກປ່ຽນຂໍ້ມູນຂ່າວສານນຳກັນ ເພື່ອພ້ອມກັນຕ້ານ ແລະ ສະກັດກັ້ນການປຸ້ນໃຫ້ຫຼຸດໜ້ອຍລົງ.

ReCAAP ໃຫ້ຮູ້ວ່າ ກຳປັ່ນທີ່ຖືກປຸ້ນ ສ່ວນຫຼາຍແມ່ນກຳປັ່ນຂົນສົ່ງສິນຄ້າ, ຂົນສົ່ງນໍ້າມັນ. ໂຈນປຸ້ນແຕ່ລະຄັ້ງມີກຳລັງແຕ່ 2-6 ຄົນ.

ຂ່າວ: ລູກເມືອງພວນ