ອັດສະວິນຟ້າຂາວ ເປີດຕົວຊຸດທີມໃໝ່ ກຽມພ້ອມລົງແຂ່ງຂັນລາຍການເປບຊີ ລາວລີິກ 1

ໃນວັນທີ່ 16 ກໍລະກົດນີ້, ສະໂມສອນນ້ອງໃໝ່ໃນ ເປບຊີ ລາວລີິກ 1 ວຽງຈັນ ເອັຟທີ ໄດ້ມີການເປີດຕົວທີມຢ່າງເປັນທາງການ, ໂດຍພິທີດັ່ງກ່າວ ໃຫ້ກຽດເຂົ້າຮ່ວມໂດຍ ທ່ານ ຄໍາສວນ ທອງມະນີວົງ ປະທານສະໂມສອນວຽງຈັນ ເອັຟທີ, ທ່ານ ເພັດສະລັດ ສະຫວັນ ຮອງປະທານສະໂມສອນ ພ້ອມດ້ວຍຄະນະຄູຝຶກ,ນັກກີລາ,ຜູ້ສະໜັບສະໜູນ ແລະ ສື່ມວນຊົນເຂົ້າຮ່ວມ

ທ່ານ ຄໍາສວນ ທອງມະນີວົງ ປະທານສະໂມສອນວຽງຈັນ ເອັຟທີ ກ່າວວ່າ: “ ວຽງຈັນ ເອັຟທີ ສ້າງຕັ້ງຂຶ້ນໃນວັນທີ 12 ພຶດສະພາ 2013 ພ້ອມກັບການເປີດນໍາໃຊ້ສະໜາມຫຍ້າທຽມ ສັບພະວິຊາ ໂດຍຄອບຄົວຂອງ ເຄນກິຕິສັກ ທີ່ໄດ້ເລີ່ມຈາກການສ້າງທີມອະນຸຊົນ ແລະ ເຍົາວະຊົນ ນັບຕັ້ງແຕ່ປີ 1990 ຈົນມາເຖິງປີ 1998 ໄດ້ມາໃສ່ສະໂມສອນເຍົາວະຊົນຂອງ ຍທຂ (ໂຍທາທິການ ແລະ ຂົ່ນສົ່ງ) ໃນປີ 2004 ກ່ອນຈະປ່ຽນມາເປັນວຽງຈັນ ເອັຟທີໃນປີ 2013.

ສ່ວນເປົ້າໝາຍໃນການແຂ່ງຂັນລະດູການນີ້ ພວກເຮົາທຸກຄົນຈະພະຍາຍາມເຮັດໃຫ້ດີທີ່ສຸດ ເຖິງວ່າພວກເຮົາຈະຈົບອັນດັບທີ່ເທົ່າໃດກໍຕາມ ເພາະວ່າຈຸດປະສົງແມ່ນຢາກສ້າງນັກກີລາຮຸ່ນສືບທອດ ໃຫ້ແກ່ວົງການບານເຕະລາວເຮົາຄືກັບຄໍາເວົ້າທີ່ວ່າ ຄົນສ້າງຊາດ – ກີລາສ້າງຊາດ ເຮັດແນວໃດໃຫ້ປະເທດຊາດມີຄວາມຈະເລີນ ກໍຍ້ອນມີຊາວໜຸ່ມທີ່ມີຄວາມສາມາດ ແລະ ພາລະກໍາລັງແຂ່ງແກ່ນ ເພື່ອພັດທະນາປະເທດຊາດ ” ທ່ານ ຄໍາສວນ ທອງມະນີວົງ ກ່າວ

ສໍາລັບ ນັດທໍາອິດຂອງລະດູການ ວຽງຈັນ ເອັຟທີ ຈະພົບກັບ ວຽງຈັນ ເອັຟຊີ (ທີມຈາກແຂວງວຽງຈັນ) ທີ່ສະໜາມກີລາແຫ່ງຊາດ ຫຼັກ 16 ໃນວັນທີ 18 ກໍລະກົດ 2020 ທີ່ສະໜາມກີລາ ຫຼັກ 16 (ສະໜາມນອກ)

ພາບຈາກ: Johnnie Naitro, A’rare Loveclub