ຄູກັນນ້ຳອ່າງນໍ້າຈືດທີ່ໃຫ່ຍທີ່ສຸດໃນຈີນແຕກຫັກ

ນໍ້າໃນອ່າງ Poyang ທີ່ຕໍ່ກັບແມ່ນໍ້າ ເຈືອງຢາງທີ່ ແຂວງ ຈຽງຊີ ໄດ້ເຮັດໃຫ້ລະດັບນໍ້າຍຶ່ງຂຶ້ນສູງ ອັນໄດ້ເຮັດໃຫ້ຄູກັນນໍ້າອ່າງ Poyang ແຕກຫັກ ສົ່ງຜົນກະທົບເຖິງຫຼາຍລ້ານຄົນ.

ສຳນັກຂ່າວ ຊິນຫົວ ໃຫ້ຮູ້ໃນວັນທີ 14 ກໍລະກົດນີ້ວ່າ: ຝົນຕົກໜັກຫຼາຍອາທິດຕິດຕໍ່ກັນໄດ້ເຮັດໃຫ້ນໍ້າໃນອ່າງ Poyang ຊຶ່ງເປັນອ່າງນໍ້າຈືດໃຫ່ຍທີ່ສຸດໃນຈີນ ຍຶ່ງຂຶ້ນສູງ ເຖິງ 22,52ມ ຊື່ງກາຍຂີດອັນຕະລາຍຂອງປີ 1998 ໃນວັນທີ 11 ກໍລະກົດນີ້.

ຝົນຕົກໜັກໄດ້ເຮັດເຂື່ອນສາມໂຄກ ທີ່ຢູ່ເທິງຕົ້ນນໍ້າບໍ່ສາມາດທີ່ຈະກັກກັນນໍ້າໄວ້ໄດ້ ຈຶ່ງເຮັດໃຫ້ຄັນຄູກັນນໍ້າ ອ່າງ Poyang ແຕກຫັກ ເຮັດໃຫ້ເຮືອນຊານບ້ານຊ່ອງ ໃນເມືອງ Poyang ຖືກນໍ້າຖ້ວມ ແລະ ຊຸໄຫຼ.

ອີງຕາມການລາຍງານຂອງຄະນະກຳມະການຊ່ວຍເຫຼືອໄພພິບັດແຫ້ງແລ້ງ ແລະ ຄວບຄຸມໄພນໍ້າຖ້ວມຂອງແຂວງ ຈຽງຊີ ໃຫ້ຮູ້ວ່າ: ລະດັບນໍ້າໄດ້ສ້າງຄວາມອັນຕະລາຍໃຫ້ຄູກັນນໍ້າຍາວກວ່າ 2.439 km ໃນຈຳນວນຄວາມຍາມທັງໝົດ 2.545 km. ຊຶ່ງຄັນຄູມີຈຸດແຕກຫັກທັງໝົດ 14 ຈຸດ.

ໄພນໍ້າຖ້ວມຄັ້ງນີ້ ໄດ້ສົ່ງຜົນກະທົບຕໍ່ປະຊາຊົນ 5,5 ລ້າຄົນທີ່ຢູ່ແຂວງ ຈຽງຊີ ແລະ ມີປະຊາຊົນຫຼາຍກວ່າເຄິ່ງລ້ານຄົນຕ້ອງໄດ້ອົບພະຍົບອອກຈາກພື້ນທີ່ຕໍ່າທີ່ມີຄວາມສ່ຽງ.