ກວດລົດເປົ້າຫມາຍ ພົບເຮໂຣອິນ 100ແທ່ງ (38,04ກລ)

ທ້າຍເດືອນມີນາ 2020, ເຈົ້າຫນ້າທີ່ກຸ່ມບ້ານສຸມຄຳເມືອງຍອດອູ ແຂວງຜົ້ງສາລີ ໄດ້ກັກລົດເປົ້າຫມາຍພ້ອມທັງກວດຄົ້ນພົບເຫັນຂອງກາງຢາເສບຕິດປະເພດ ເຮໂຣອິນ ຈຳນວນ 100 ແທ່ງ 38,04 ກລ

ເຈົ້າຫນ້າທີ່ ປກສ ເມືອງຍອດອູ ໃຫ້ຮູ້ວ່າ: ໃນເວລາ 6:30 28/03/2020 ເຈົ້າຫນ້າທີ່ກຸ່ມບ້ານສຸມຄຳສາມາດກັກຕົວເປົ້າຫມາຍຢາເສບຕິດ ຈຳນວນ 3 ຄົນ ຊື່ທ້າວ ຄຳສຸກ ອາຍຸ 30 ປີ ທ້າວພອນ ອາຍຸ 36 ປີ ແລະ ທ້າວ ອາວູ ອາຍຸ 22 ປີ ທັງສາມ ຢູ່ບ້ານຫລົງທາງ ເມືອງຍອດອູ ແຂວງຜົ້ງສາລີ ພ້ອມກວດຄົ້ນລົດ ກະບະ ຣີໂວ້ ວຫ 6689 ນວ ພົບຢາເຮໂຣອິນ ຊຸກເຊື່ອງ ໄວ້ໃນລົດ ເງີນຈີນ 1000 ຢວນໂທລະສັບ 5ຫນ່ວຍ ປຶ້ມຜ່ານແດນ 1 ຫົວ ບັດ ເອທີເອັມ 1 ບັດ ຈຶ່ງໄດ້ຍຶດເພື່ອມາດຳເນີນການສຶບສວນ – ສອບສວນ

ຜ່ານການສຶບສວນ-ສອບສວນ ເບື້ອງຕົ້ນທັງສາມໄດ້ຮັບສາລະພາບ ວ່າ ເຮໂຣອິນຈຳນວນດັ່ງກ່ວາແມ່ນເປັນຂອງຜູ້ກ່ຽວທັງສາມ, ຕໍ່ກັບຄະດີດັ່ງກ່ວາທາງເຈົ້າຫນ້າທີ່ ໄດ້ດຳເນີນຕາມຂັ້ນຕອນລະບຽບກົດຫມາຍ.

ແຫລ່ງຂ່າວ: ປກສ