ສານຊົມເຊີຍ ທ່ານ ລີ ຊຽນ ລຸງ
ໃນວັນທີ 13 ກໍລະກົດ 2020 ທີ່ນະຄອນຫລວງວຽງຈັນ ທ່ານ ທອງລຸນ ສີສຸລິດ ນາຍົກລັດຖຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ສົ່ງສານຊົມເຊີຍ ເຖິງ ທ່ານ ລີ ຊຽນ ລຸງ ນາຍົກລັດຖະມົນຕີ ແຫ່ງ ສາທາລະນະລັດ ສິງກະໂປ ທີ່ ສິງກະໂປ.
ເນື້ອໃນສານລະບຸວ່າ: ໃນນາມລັດຖະບານ ແລະ ປະຊາຊົນ ແຫ່ງ ສາທາລະນະລັດ ປະຊາທິປະ ໄຕ ປະຊາຊົນລາວ ກໍຄື ໃນນາມສ່ວນຕົວ, ຂ້າພະເຈົ້າ ມີຄວາມປິຕິຍິນດີເປັນຢ່າງຍິ່ງ ສົ່ງຄຳຊົມເຊີຍອັນອົບອຸ່ນ ມາຍັງທ່ານ ເນື່ອງໃນໂອກາດທີ່ພະນະທ່ານ ໄດ້ຮັບໄຊຊະນະດ້ວຍຄະແນນສຽງຖ້ວມລົ້ນ ໃນການເລືອກຕັ້ງ ຄັ້ງວັນທີ10 ກໍລະກົດ 2020 ຜ່ານມາ.
ຂ້າພະເຈົ້າ ເຊື່ອໝັ້ນວ່າ ພາຍໃຕ້ການນໍາພາອັນປີຊາສາມາດ ແລະ ມີປະສົບການສູງຂອງທ່ານ, ລັດຖະບານສິງກະໂປ ຈະສືບຕໍ່ຍາດໄດ້ໄຊຊະນະໃນການຄຸບຄວມ ການເເຜ່ລະບາດຂອງພະຍາດໂຄວິດ-19 ກໍຄື ປະສົບຜົນສຳເລັດໃນການຟື້ນຟູ ເສດຖະກິດຂອງສິງກະໂປ ແນ່ໃສ່ນໍາເອົາຄວາມຈະເລີນກ້າວໜ້າ ແລະ ວັດທະນາຖາວອນ ມາສູ່ປະຊາຊົນສິງກະໂປ ໃນຊຸມປີຕໍ່ໜ້າ. ຂ້າພະເຈົ້າ ຫວັງວ່າຈະໄດ້ສືບຕໍ່ຮ່ວມເຮັດວຽກກັບ ທ່ານຢ່າງໃກ້ຊິດ ເພື່ອເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງ ລາວ ແລະ ສິງກະໂປ ໃຫ້ສືບຕໍ່ຂະຫຍາຍຕົວດີຍິ່ງຂຶ້ນ ໃນຊຸມປີຕໍ່ໜ້າ ເພື່ອຜົນປະໂຫຍດລວມ ຂອງປະຊາຊົນສອງຊາດພວກເຮົາ.
ຂ້າພະເຈົ້າ ຂໍຖືໂອກາດນີ້ ອວຍພອນໄຊໃຫ້ທ່ານ ຈົ່ງມີພາລະນາໄມສົມບູນ, ມີຄວາມຜາສຸກ ແລະ ປະສົບຜົນສຳເລັດໃນໜ້າທີ່ອັນສູງສົ່ງຂອງທ່ານ.
