ຫວຽດນາມສາມາດຜ່າຕັດແຍກເດັກແຝດຕິດກັນອອກຈາກກັນໄດ້

ມື້ນີ້ວັນທີ 15 ກໍລະກົດ, ຢູ່ທີ່ໂຮງໝໍແມ່ ແລະ ເດັກຂອງນະຄອນ ໂຮ່ຈິມິນ ໄດ້ດຳເນີນການຜ່າຕັດແຍກເດັກແຝດຕິດກັນໄດ້ຢ່າງສຳເລັດ.

ຜູ້ຕາງໜ້າໂຮງໝໍແມ່ ແລະ ເດັກນະຄອນໂຮ່ຈິມິນໃຫ້ຮູ້ວ່າ: ການຜ່າຕັດບໍ່ໄດ້ມີຄວາມຫຍຸ້ງຍາກຫຍັງ ເພາະທຸກຢ່າງແມ່ນເປັນໄປຕາມການວາງແຜນຄິດໄລ່ໄວ້ໝົດແລ້ວໃນຮູບຖ່າຍ. ມີຄວາມຫຍຸ້ງຍາກພຽງເລັກນ້ອຍໃນການຜ່າຕັດບ່ອນທີ່ກະດູກກົກຂາໜ້າທ້ອງຕິດກັນ ເພາະມັນແຂງຫຼາຍ. ແຕ່ເວົ້້າລວມແລ້ວ ທຸກສິ່ງທຸກຢ່າງແມ່ນດຳເນີນໄປດ້ວຍດີ. ມາເຖິງເມືອເວລາ 14 ໂມງ 7 ນາທີ ເດັກທັງສອງໄດ້ຜ່າຕັດແຍກອອກຈາກກັນເປັນທີ່ຮຽນຮ້ອຍ. ຫຼັງຈາກນັ້ນໄດ້ແຍກກັນອອກໄປແຕ່ລະຫ້ອງເພື່ອໃຫ້ທິມແພດໝໍໄດ້ດັດແປງແກ້ໄຂ, ຕົກແຕ່ງບາດແຜ ແລະ ອະໄວຍະວະໃຫ້ເຂົ້າທິດເຂົ້າທາງ.

(ຫນັງສືພິມລາວພັດທະນາ)

ມາເຖິງຄະນະນີ້ ເດັກທັງສອງມີຄວາມປອດໄພດີ, ທຸກຕົວຊີ້ບອກຂອງຮ່າງກາຍລ້ວນແຕ່ປົກກະຕິ.

ການຜ່າຕັດໃນຄັ້ງນີ້ ມີທິມງານແພດໝໍເກືອບ 100 ຄົນເຂົ້າຮ່ວມ. ນີ້ຄືກໍລະນີຄູ່ແຝດຕິດກັນທີ່ກະດູກກົກຂາໜ້າທ້ອງ ຊຶ່ງເປັນກໍລະນີທີ່ເກີດຂຶ້ນໜ້ອຍທີ່ສຸດ. ຕາມການປະມານໃຫ້ຮູ້ວ່າ ຢູ່ໃນໂລກນີ້ມີຄູ່ແຝດຕິດກັນມີອັດຕາລອດເຫຼືອ 1/200.000. ໃນນັ້ນ,  ມີພຽງ 6% ທີ່ຕິດກັນຕາມແບບ ischiopagus tetrapus ຄືດັ່ງຄູ່ແຝດດັ່ງກ່າວ.

ຂ່າວ: ລູກເມືອງພວນ(ແຫຼ່ງຂ່າວ baotintuc)