ລະດູການນີ້ພິເສດ..! ຜູ້ທີ່ຍິງປະຕູໄດ້ຫຼາຍສຸດປະຈໍາອາທິດຈະໄດ້ຮັບເງິນສົດ 1 ລ້ານກີບ

ຖືວ່າເປັນອີກແຮງກະຕຸ້ນໃຫ້ກັບ ເປບຊີ ລາວລີກ 1 ລະດູການ 2020 ເຊິ່ງອາທິດທີ່ຜ່ານມາ ໄດ້ມີການແຈກລາງວັນໂບນັສ 1 ລ້ານກີບໃຫ້ກັບ ນັກເຕະທີ່ຍິງປະຕູໄດ້ຫຼາຍທີ່ສຸດປະຈໍາອາທິດ ເຊິ່ງນັ້ນກໍແມ່ນ ສຸລິພອນ ໄຊປັນຍາ ກອງໜ້າຂອງ ສະໂມສອນ ປກສ ເອັຟຊີ ທີ່ຍິງ 2 ປະຕູນັດທີ່ເອົາຊະນະ ວຽງຈັນ ເອັຟຊີ 2-1. ລະດູການນີ້ ສະຫະພັນບານເຕະແຫ່ງຊາດ ຮ່ວມກັບ ບໍລິສັດ ອີອອນ ບໍລິການເຊົ່າສິນເຊື່ອ (ລາວ) ຈຳກັດ (AEON) ຈະມອບເງິນຈໍານວນ 1.000.000 ກີບ (ຫນຶ່ງລ້ານກີບ) ໃຫ້ກັບນັກເຕະທີ່ຍິງປະຕູໄດ້ສູງສຸດປະຈໍາແຕ່ລະອາທິດ

ສໍາລັບ ການແຂ່ງຂັນ ເປບຊີ ລາວລີກ 1 ລະດູການ 2020 ເປີດສາກຂຶ້ນຢ່າງເປັນທາງການ ໂດຍອາທິດທໍາອິດມີການແຂ່ງຂັນ 3 ຄູ່ລະຫວ່າງວັນທີ 11-12 ກໍລະກົດ 2020 ຜ່ານການແຂ່ງຂັນປາກົດວ່າ: ສຸດສູສີກິນກັນບໍ່ລົງ 2 ຄູ່ ແລະ ຮູ້ຜົນເສຍຊະນະ 1 ຄູ ເຊິ່ງມີປະກົດເກີດຂຶ້ນພຽງ 7   ໜ່ວຍ ກິນກັນໄດ້ຫວຸດຫວິດເທົ່ານັ້ນ ຖືວ່າທຸກທີມກຽມທີມມາດີ.

ປະຕູທີ່ເກີດຂຶ້ນ ການແຂ່ງຂັນ ເປບຊີ ລາວລີກ 1 ປະຈໍາວັນທີ 11 ກໍລະກົດ 2020 ມີດັ່ງນີ້:
ປະຕູທໍາອິດເປັນຂອງ ພັດທະນາ ຍິງໃຫ້ກັບ ເອສະຣາ ເອັຟຊີ ຂຶ້ນນໍາ 1-0 ນາທີໆ 13 ໃນນັດທີ ເອສະຣາ ເອັຟຊີ ສະເໝີກັບ ຊ້າງນ້ອຍ ເອັຟຊີ 1-1

ປະຕູທີ 2: ສົມໄຊ ແກ້ວຫານາມ ຍິງໃຫ້ກັບ ຊ້າງນ້ອຍ ເອັຟຊີ ໃນນາທີໆ 29 ໃນນັດທີ ເອສະຣາ ເອັຟຊີ ສະເໝີກັບ ຊ້າງນ້ອຍ ເອັຟຊີ 1-1

ປະຕູທີ 3: ໂລ ວິພັດ ຍິງໃຫ້ກັບ ລາວໂຕໂຢຕ້າ ເອັຟຊີ ຂຶ້ນນໍາ 1-0 ນາທີໆ 38 ໃນນັດທີ່ສະເໝີກັບ ມາສເຕີ 7 ເອັຟຊີ 1-1

ປະຕູທີ 4: ກຽງທະວີສັກ ຍິງໃຫ້ກັບ ມາສເຕິີ 7 ເອັຟຊີ ນາທີໆ 93 ໃນນັດທີ່ ມາສເຕີ 7 ເອັຟຊີ ສະເໝີກັບ ລາວໂຕໂຢຕ້າ ເອັຟຊີ 1-1

ສ່ວນປະຕູທີ່ເກີດຂຶ້ນ ໃນການແຂ່ງຂັນ ເປບຊີ ລາວລີກ 1 ປະຈໍາວັນທີ 12 ກໍລະກົດ 2020 ມີດັ່ງນີ້:
ປະຕູທີ 5: ພຸດທະວົງ ຍິງໃຫ້ກັບ ວຽງຈັນ ເອັຟຊີ ຂຶ້ນນໍາ ປກສ ເອັຟຊີ 1-0 ນາທີໆ 25 ໃນນັດທີ ວຽງຈັນ ເອັຟຊີ ເສຍໃຫ້ກັບ ປກສ ເອັຟຊີ 1-2

ປະຕູທີ 6: ສຸລິນທອນ ຍິງໃຫ້ກັບ ປກສ ເອັຟຊີ ຕີສະເໝີ 1-1 ນາທີໆ 46 ໃນນັດທີ ວຽງຈັນ ເອັຟຊີ ເສຍໃຫ້ກັບ ປກສ ເອັຟຊີ 1-2

ປະຕູທີ 7: ສຸລິພອນ ຍິງປະຕູໄຊໃຫ້ກັບ ປກສ ເອັຟຊີ ພິກຊະນະ 2-1 ນາທີໆ 57 ໃນນັດທີ ວຽງຈັນ ເອັຟຊີ ເສຍໃຫ້ກັບ ປກສ ເອັຟຊີ 1-2

ທີ່ມາ: Sport update

ຮູບພາບຈາກ: Lao Premier League