The New York Times ກຽມຍ້າຍສຳນັກງານ ບາງສ່ວນຈາກຮົງກົງໄປນະຄອນຫລວງເຊອຸນ
July 15, 2020 - 3:40 PM
The New York Times ເປີດເຜີຍວ່າ: ຈະຍ້າຍສຳນັກງານຂ່າວດິຈີຕອນຈາກຮົງກົງໄປນະຄອນຫລວງເຊອຸນ ຂອງ ສ.ເກົາຫລີ ເຊິ່ງຖືເປັນສື່ລາຍໃຫຍ່ສຳນັກທຳອິດຂອງໂລກທີ່ຍ້າຍຖານການດຳເນີນງານໄປປະເທດອື່ນ ຫລັງຈີນປະກາດໃຊ້ກົດໝາຍຄວາມໝັ້ນຄົງແຫ່ງຊາດຢູ່ຮົງກົງ.
ການເຄື່ອນໄຫວດັ່ງກ່າວເກີດຂຶ້ນໃນໄລຍະເວລາໄລ່ລຽງກັບປະທານາທິບໍດີ ໂດນັລ ທຣຳ ລົງນາມໃນຄຳສັ່ງພິເສດຢຸດສະຖານະພາບພິເສດຂອງຮົງກົງພາຍໃຕ້ກົດໝາຍຂອງອາເມລິກາ ເພື່ອຕອບໂຕ້ຈີນ.
ຫລາຍສິບປີຜ່ານມາ ຮົງກົງເປັນທີ່ຕັ້ງສຳນັກງານປະຈຳພາກພື້ນອາຊີສຳລັບ The New York Times ລວມທັງສື່ສຳນັກອື່ນໆ ເນື່ອງຈາກເປັນເມືອງທີ່ເປີດກວ້າງສຳລັບບໍລິສັດຕ່າງປະເທດ ແລະ ໃຫ້ເສລີພາບໃນການລາຍງານຂ່າວຂອງສື່ມວນຊົນຢ່າງເຕັມສ່ວນ.
